Ўзим билсам гўрга эди, Бу овоза бўлиб кетди. Кеч келади ишидан, Айрилгандек хушидан, Юрганини билса бўлар Кўраётган тушидан.
Рузғор-бола манга қолиб Ўтиради ўйга толиб. Телефони жирингласа Гаплашади бекинволиб. Ҳар нодон дер: "Фолбинга бор, Иссиқ-совуқ сеҳр бергин." Бирон доно айтмайдики: "Эрингни сев, мехр бергин!"
Болаларим билишмасин, Кўз ёшимни кўришмасин. Кўнгли қолиб отасини Ёмон кўриб қолишмасин. Қайнар ғийбат: "Ия,.. ия", -Эриз уйланвоганмиш-а? Ёнин олиб уришаман: -Ажаб кибди, сизга нима? Опам бошлар, мани кўрса: -Хотинбозмиш эринг роса. -Нима қилсин хотинлариз, Ўзлариям эрвоз бўлса?!
-Эплабтими, юриб олсин, Майли ўйнаб кулиб олсин. Мани мулку давлатимда Давру-даврон суриб олсин. -Вой сен ахмоқ, вой сен беор, Сенга керак бўлмаса ёр, Сот, ким ошди савдосида, Махаллангга очиб бозор.
Поччангни кўр, қандай эркак, Чакки юрмас тоза юрак! -Мани эрим зўр-да, Сизни латта эриз кимга керак? -Вой зўр бўган эринг қурсин, Бино қўйган шеринг қурсин. Санга жоним куйдими-я Юрмагидан ортиқ юрсин!
Қизгонмайдиям, хе, сани, Яна ортиқ керилгани. -Нимасини қизғонаман, Туфлимиди ейилгани?!... Ғийбат қилиб очманг бозор, Ҳамма ишни фурсати бор. Энди битта обти... асли Тўрттагача рухсати бор.
Юраман-у бермай сирим, Аммо юрак тилим-тилим. Кундошли хотинлар бекор Чекишмаган экан чилим. Ким у жонон, билгим келар Аптини бир кўргим келар. Тутиб олиб сочларини Битта-битта юлгим келар!
Боргим келмас меҳмонгаям, Боққим келмас инсонгаям. Жанжал қил деб гиж-гижлайди, Иш топилди шайтонгаям. "Етиб бор", дер, ўша ерга Иккалови ҳозир бирга. -Бормайман-е, жинниманми? Ғуруримни уриб ерга.
Нима фойда урушлардан, Қозилашиб юришлардан. Ўқ отайин кундошимга Мағрур қараб туришлардан. Эр кўнгли қуш, учиб кетар, Совуқ юртдан кўчиб кетар. Тутмоқ учун дон сепайин Милтиқ отсам қочиб кетар.
Ранжимасин эрим майли, Зўр аёл эр талашмайди. Боплаб қўяр эдим-куя, Бу иш манга ярашмайди... Нодонга донолик қилай Сахрога дарёлик қилай. Дўстим қилса бегоналик, Ман унга ошнолик қилай.
Жилсин, десам тош жойидан, Бўлай эримнинг пойидан. Қуёш бёлиб меҳрим сочиб Айнитай ўша ойидан. Пардозлаб юз, қошу-кўзим Қувноқликка солиб ўзим. Ҳар тонг қараб тош ойнага Такрорлайман битта сўзим.
Присоединяйтесь к ОК, чтобы подписаться на группу и комментировать публикации.
Нет комментариев