Предыдущая публикация
Ming bo'lakka bo'lib dunyoni,
Tug'ilgandan baxtni izlaymiz.
Qo'llaridan tutib ro'yoni,
Atrofda baxt ba'zan bilmaymiz.
Baxtlar bilan yasatilgan taxt,
Xudoyimga yetsa bas zoring.
Seni kimdir sog'insa shu baxt,
Baxt aslida dunyoda boring.
Kimlarnidir sevib sog'inib,
Intizorla uni kutganing.
Baxt aslida tomog'ing bilan,
Shu bir qultim suvni yutganing.
Hamma yerda baxtlaring sochiq,
Bahorlardan go'zallik yig'gan.
Baxt emasmi ko'zlaring ochiq,
Osmonga boq ko'kka oy chiqqan.
Senga yana nima yetmaydi,
Hattoki baxt yelib tolmoqlik.
Hammaga ham nasib etmaydi,
Tongda turib nafas olmoqlik.
Следующая публикация
Нет комментариев