Փրկենք «Հրազդան»-ը:

Հայեր, քույրեր և եղբայրներ: Կոչ ենք անում բոլորիդ՝ միանալու մեզ հանուն մեկ միասնական նպատակի, հանուն «Հրազդանի» փրկության կազմակերպվող երթին: Հավաքվում ենք սույն թվականի դեկտեմբերի 9-ին, ժամը 14:00-ին`Խանջյան փողոցի վրա գտնվող Վարդան Մամիկոնյանի արձանի մոտ և երթով շարժում դեպի Հայաստանի ֆուտբոլի ֆեդերացիայի շենք, այնուհետև՝ Երևանի քաղաքապետարան և դեպի վերջնակետ ու ցույցի անցկացման վայրը` ՀՀ կառավարության շենք:Երթի ժամանակ նշված երեք մարմիններին հանձնվելու է բաց նամակ` հետևյալ խնդրանք-պահանջով` «Հարգելի պարոնայք. դիմում ենք Ձեզ` խնդրելով և պահանջելով, որպեսզի վերականգնվի «Հրազդան» մարզադաշտի համալիրում առկա ընդհանուր օգտագործման խնդրո առարկա հողատարածքի (1,047 հա) գործառնական նշանակությունը՝ խառը կառուցապատվողից սպորտայինի, ինչպես նաև՝ անվավեր ճանաչվի ճարտարապետահատակագծային առաջադրանքը տաղավարային տոնավաճառի և հարակից մարզումային դաշտերի տարածքում (1,047 հա) մինչև 20,0 մ բարձրությամբ շինության կառուցման համար: Խնդրում և պահանջում ենք, որպեսզի «Հրազդան» մարզադաշտը կրկին ընդգրկվի Երևան քաղաքի պատմության և մշակույթի անշարժ հուշարձանների պետական ցուցակում: Կատարելով նշված քայլերը՝ կփրկեք «Հրազդանը» կործանումից»: Բաց նամակ` http://www.faf.am/news/hrazdan.html Կոչ հայ ֆուտբոլասերներին` http://www.faf.am/news/hrazdan-stadium.html