Zəncanlı mədəni fəal Saleh Fərhadi həbs edilib

Dekabrın 5-də Mədəniyyət və Siyasət Dərnəyinin keçmiş katibi, Zəncan Universitetinin məzunu Saleh Fərhadi təhlükəsizlik qüvvələri tərəfindən həbs edilib.
Mədəni fəalın həbs səbəbi və hara aparıldığı barədə hər hansı məlumat əldə etmək mümkün olmayıb.

İranda öldürülən etirazçıların son sayı açıqlanıb

İranın Hüquq Müdafiəçiləri Qrupunun xəbər agentliyinin oktyabrın 5-i yaydığı məlumatında hökumət məmurları tərəfindən qətlə yetirilən etirazçıların sayı açıqlanıb.
İran İnsan Haqları Təşkilatının oktyabrın 5-i axşam saatlarına yaydığı məlumatda 17 sentyabrdan 5 dekabr axşam saatlarına kimi İranda davam edən etiraz nümayişlərində 64-ü uşaq olmaqla 473 nəfərin hökumət məmurları tərəfindən öldürüldüyünü bildirib.
Bununla yanaşı məlumatda 18215 nəfərin saxlanıldığı, onlardan 3524-in kimliyi və harada saxlanıldığının dəqiqləşdirildiyi və bunlardan 584 nəfərinin öyrənci olduğu qeyd edilib.
Həmçinin bu müddət ərzində 159 şəhərdə etirazçılar İranın idarəetmə sisteminə qarşı nümayişlər həyata keçirib və 143 universitetin öyrənciləri bu nümayişləri dəstəkləyiblər.

Pərisa Söhrabi Təbriz Mərkəzi Həbsxanasından azad olub

SON ETİRAZLARIN MƏHBUSLARINDAN OLAN PƏRİSƏ SÖHRABİ MƏHKƏMƏ PROSESİNİN SONUNA QƏDƏR ZAMİNƏ BURAXILDIQDAN SONRA DÜNƏN, 13AZƏR 1401-Cİ İL BAZAR GÜNÜ TƏBRİZİN MƏRKƏZİ ZİNDANINDAN AZAD EDİLİB.
Pərisə Söhrabi Twitter istifadəçi səhifəsində tənqidi mətn dərc etdiyinə görə Təbriz Fətə polisinə çağırılıb və bu qurumda göründükdən sonra həbs edilib. O, bir gecəni həbsxanada keçirdikdən sonra sərbəst buraxılıb. Buna baxmayaraq, o Təbriz Baş və İnqilab Prokurorluğuna çağırıldıqdan sonra yenidən həbs edilərək Təbriz Mərkəzi Həbsxanasına köçürülmüşdü.

Daha bir Azərbaycanlı milli fəal edam olunacaq...

Iran rejimi azərbaycanlı gənc Səhənd Nurməhəmmədzadəyə verdiyi ölüm hökmünü təsdiq etdi

FƏALIN VƏKİLİ HAMİD ƏHMƏDİ BUNUNLA BAĞLI MƏLUMAT YAYIB.
Molla rejimi Kərəc şəhərində yaşayan 26 yaşlı azərbaycanlı gənc Səhənd Nurməhəmmədzadənin edam hökmünü də artıq təsdiq edib.
Vəkil Hamid Əhmədi bildirib ki, bundan öncə İnqilab Məhkəməsinin 29-cu şöbəsinin Səhəndə qarşı “müharibə” ittihamı ilə edam hökmü tələb etməsinə baxmayaraq, ikinci hakim və işin məsləhətçisi ölüm hökmünü imzalamadığı üçün hüquqi prosedur tamamlanmamışdı.
İkinci hakim və məsləhətçinin də ölüm hökmünü imzalamasından sonra Səhənd Nurməhəmmədzadənin edam hökmü qətiləşib.
Qeyd edək ki, 26 yaşlı azərbaycanlı gənc etiraz aksiyaları zamanı zibil qutularını yandıraraq yolu bağlamaqda, ictimai nəqliyyatın fəaliyyətinə mane olmaqda günahlandırılaraq ölümə məhkum edilib.

Azərbaycanlı fəal Melika Qaragözlünün həyatı təhlükədədir

IRAN REJİMİNİN HƏBS ETDİYİ AZƏRBAYCANLI ÖYRƏNCİ FƏALI, “ƏLLAMƏ TƏBATƏBAYİ” UNİVERSİTETİNİN JURNALİSTİKA FAKÜLTƏSİNİN ÖYRƏNCİSİ MELİKA QARAGÖZLÜNÜN HƏYATI TƏHLÜKƏDƏDİR.
Azərbaycanlı fəalın vəkili Məhəmmədəli Kamfiruzi sosial şəbəkərlərdə bununla bağlı paylaşım edərək bildirib ki, fəal anasına zəng edərək bildirib ki, xəstəxanada bir neçə nəfər kişi onu döyüblər. Onların məqsədi fəala bilinməyən iynə vurmaq olub.
Melika Qaragözlü isə buna etiraz olaraq aclıq aksiyasına başlayıb və onunla telefon əlaqəsinə qadağa qoyulub.
Qeyd edək ki, Melika Qaragözlü oktyabrın 1-i gecə saatlarında 10 kişi və 1 qadın məmurun evinə hücum etməsi, qapısının sındırılması nəticəsində yaxalanmışdı. Fəal anası ilə qısa telefon danışığında Tehranın Evin zindanının 209-cu bölməsinə salındığını bildirmişdi.
22 yaşlı azərbaycanlı fəal sentyabrda Tehran İnqilab Məhkəməsi tərəfindən 4 il 4 ay həbs cəzasına məhkum edilib və zindana köçürülmə barədə son qərarı gözləyirdi.
Melika Qaragözlü iyulun 13-də məcburi hicaba etiraz olaraq yaylığını başından açıb yerə atdığı videonu paylaşdıqdan sonra İran rejiminin məmurları tərəfindən həbs edilmişdi.
Bundan öncə isə Melika Qaragözlü 2019-cu ilin noyabrın 18-də Tehranda benzinin qiymətinin kəskin bahalaşmasına qarşı keçirilən kütləvi etirazlar zamanı tutulub 6 ay həbsə məhkum edilsə də, dekabrın 1-də 600 milyon riallıq vəsiqə girovu qarşılığında müvəqqəti olaraq sərbəst buraxılmışdı.

"Azadlıq, Ədalət, Milli hökumət"-Mərənddə milli şüarlar əks olunan baner asılıb

Milli-mədəni fəallar Mərənd şəhərində Tehran hökumətinin ayrı-seçkilik siyasətinə etiraz ediblər.
Şərqi Azərbaycan əyalətinin Mərənd şəhərinin yerüstü piyada keçidi körpüsündən üzərində "Azadlıq, Ədalət, Milli hökumət" şüarı yazılan baner asıblar.
Qeyd edək ki, bu şüar son aylar Güney Azərbaycanda keçirilən aksiyalarda ən çox səsləndirilən və xalq tərəfindən bəyənilən şüardır.

Güneyli vəkil Qasım Bodiyə həbs cəzası verilib

Oktyabrın 15-də təhlükəsizlik məmurları tərəfindən saxlanılaraq Təbriz zindanına aparılan vəkil Qasım Bodi barəsində həbs qərarı çıxarılıb.
Təbrizin ikinci cəza məhkəməsi "hökumətə qarşı təbliğat" və "vətəndaşları iğtişaşa sövq etmək" ittihamlarına görə, güneyli vəkilə 5 ay həbs, 8 milyon tümən cərimə cəzası verməklə yanaşı, 2 il müddətinə ölkədən çıxışına qadağa qoyub.
Qasım Bodi oktyabrın 25-də başqa iki azərbaycanlı vəkil Sina Yusifi və Əmir Mehdipurla birgə qanunsuz olaraq zindanda qeyri-müəyyən vəziyyətdə saxlanılmalarına, işlərinə baxılmamasına və hüquqlarının pozulmasına etiraz olaraq aclıq aksiyasına başlayacağını bildirmişdi.
Sina Yusifi və Əmir Mehdipur oktyabrın 27-də girov qarşılığında müvəqqəti olaraq məhkəməyə qədər azad edilsələr də, Qasım Bodi Təbriz zindanında saxlanılır.
Şərqi Azərbaycan Vəkillər Birliyinin dörd üzvü oktyabrın 14-də Təbrizdə 1700 nəfərin hökumət məmurları tərəfindən həbs edildiyini açıqlamalarından sonra həbs ediliblər.
Sina Yusifi, Əmir Mehdipur və Negin Kiyani bir müddət Təbriz həbsxanasında saxlanıldıqdan sonra girov qarşılığında müvəqqəti olaraq məhkəməyə qədər sərbəst buraxılıblar.

Şərqi Azərbaycan əyalətində su qıtlığı böhranı

Şərqi Azərbaycan əyalətinin Regional Su Şirkətinin baş direktoru Yusif Qafarzadə əyalətin su anbarlarında yalnız 26 faiz su qaldığını deyib.
Qafarzadə bu ilin sentyabrın 23-də etibarən əyalətin bəndlərinin su ehtiyatlarına dair məlumatların bu dövrdə iri su bəndlərinə 18,5 milyon kubmetr su daxil olduğunu, bunun isə ötən ilin eyni dövründə 21,2 milyon kubmetr təşkil etdiyini söyləyib.
Cari yağış ilində bəndlərə daxil olan suyun ötən illə müqayisədə 13 faiz azaldığını bildirən Yusif Qafarzadə əyalətdə su çatışmazlığının yaranacağı barədə xəbərdarlıq edib.