Заҳириддин Мухаммад Бобур 1483 йилнинг 14-феврал куни туғилди. Бу йил Заҳириддин Муҳаммад Бобурнинг таваллуд топганига 534 йил тўлади. Мирзо Улуғбекнинг уламойи мутаоххирларидан бири-Мавлоно Мунир Марғиноний у кишининг туғилган йили тарихини “Шаши муҳаррам” яъни 888 йил муҳаррам ойининг олтинчи куни сўзларидан топди. Улар Ҳазрат Эшон Убайдуллоҳдан гўдакка исм қўйиб беришни сўрашди. Укиши “Заҳириддин Мухаммад” исми билан мушарраф қилдилар. У даврларда чиғатойлар кўчманчи ҳаёт кечиришар ўтроқ эмас эди, улар “Заҳириддин Мухаммад”ни айтишга қийналишар эди, шу сабаб уни “Бобур” деб ҳам аташарди. Хутба ва ёрлиқларида уни “Заҳириддин Мухаммад Бобур” деб айтишди ва ёзишди. Аммо у кўпроқ “Бобур подшоҳ” номи билан машҳур.
Бобурни ҳаёт йўлида шундай вазиятлар бўлди- “кўнгли тилаган муродига” ета олмади, аммо орзу-умидларини, мурод мақсадларини тарк ҳам этмади. “Бошини олиб бир сориға” кетиш шоир ижодида кўп такрорланади. Ҳижрон ва ғарибликда йиллар ўтиб, қалби таскин топмади, тинчланмади:
Толе йўқи жонимға балолиғ бўлди,
Ҳар ишни айладим хатолиғ бўлди.
Ўз ерни қўйиб Ҳинд сори юзландим,
Ё Раб, нетайин, не юз қаролиғ бўлди.
Бобур табиатан мард, меҳр-мурувватли, саҳоватпеша, кечиримли инсон эди. Шу боисдан ҳам “...даҳр аро қолди фалондин яхшилиғ” деган гап жуда муҳим. Ҳамма нарса ўткинчи, ҳаммаси йўқликка кетди. “Бори элға яхшилиғлар” қилган, башариятга гўзал асарлар тақдим этган Бобурдан яхшилик ва ном қолди. Ҳар кимки вафо қилса, вафо топқусидур, Ҳар кимки жафо қилса, жафо топқусидур. Яхши киши кўрмағай ёмонлиғ ҳаргиз, Ҳар кимки ёмон бўлса, жазо топқусидур.
Аллоҳ таоло Заҳириддин Мухаммад Бобур ҳазратларини охиратларини обод айласин.
Присоединяйтесь к ОК, чтобы подписаться на группу и комментировать публикации.
Нет комментариев