Предыдущая публикация
Тошкентда карантин вақтида «эплаб» кўчада ниқобсиз юрган қиз ва 2 йигит 15 суткага қамалди.
Ижтимоий тармоқларда Тошкент шаҳридаги Амир Темур хиёбонида ниқобсиз юрган қиз ва икки йигит акс этган видео тарқалди.
Мазкур фуқаролар 2020 йил 1 апрель куни тахминан соат 18:00 да Тошкент шаҳридаги Амир Темур хиёбонида, мамлакатда ўрнатилган карантин талабларига зид равишда жамоат жойида ниқобсиз юрган. Шунингдек, улар Амир Темур ҳайкалидан коронавирус эпидемияси Ўзбекистондан қачон кетиши ҳақида сўраб, Амир Темур шахсига ҳурматсизлик қилган.
Юнусобод туман маъмурий судининг 2020 йил 7 апрелдаги қарорига кўра, К.М., У.Ҳ. ва О.Р. Маъмурий жавобгарлик тўғрисидаги кодекснинг 54, 183-моддаларида назарда тутилган ҳуқуқбузарликларни содир этганликда айбли деб топилиб, уларнинг ҳар бирига Маъмурий жавобгарлик тўғрисидаги кодексининг 34-моддаси (Бир неча ҳуқуқбузарликни содир этганлик учун маъмурий жазо қўллаш) тартибида узил-кесил 15 суткадан маъмурий қамоқ жазоси тайинланди.
03:21
Следующая публикация
Комментарии 1