Предыдущая публикация
Turkoviçin bacısı qardaşını anlatdı: “O, indi olduğu yerə çatmaq üçün həyatda çox şeyi qurban verib” - MÜSAHİBƏ
- Nedonun futbola gəlişi necə oldu?
- Nedo mənim kiçik qardaşımdır. O, futbola Yuqoslaviyada müharibə getdiyi dönəmlərdə başlamışdı. Həmin vaxt özündən böyük dostları ilə bizim evimizin düz qabağındakı meydançada bütün günü futbol oynayırdı. Həmin vaxtlarda həm də orta məktəbdə oxuyurdu. Elə dostları da məktəb yoldaşları idi. Məhz həmin dönəmdə o, gələcəyini futbolla bağlamağa qərar verdi. Sonra isə gənc yaşında Bosnyadan Çernaqoriyaya getdi. Peşəkar karyerasına da ilk olaraq, orada başladı.
- Bəs onun Azərbaycana gəlişini eşidəndə münasibətiniz necə oldu? Ümumiyyətlə, Azərbaycan haqda nə dərəcədə məlumatlı idiniz?
- Çox təəssüf ki, Azərbaycan haqqında geniş bilgiyə malik deyildim. Yalnız Bakıda keçirilən Avrovizion mahnı müsabiqəsi zamanı bu ölkə ilə maraqlanmağa başladım. Nedonun sizin ölkənizə gəlişinə isə heç birimiz mane olmadıq. Çünki bu, onun seçimi idi.
- Azərbaycanda olmusunuz?
- Xeyr, hələ ki, olmamışam. Əgər Nedonun orada işləri uğurlu alınsa, yazda ona baş çəkmək üçün Bakıya gəlməyi planlaşdırıram.
- Bir futbolçu kimi Nedonun oyununu necə qiymətləndirərdiniz?
- Nedo sözün əsl mənasında meydançada mübarizə aparır. Siz özünüz də qısa zamanda onun AZAL-ın heyətində necə futbol oynadığını görəcəksiniz. Oynadığı komandanın uğur qazanması üçün hər şey etməyə hazırdır. Bundan başqa, bütün komanda yoldaşlarına inanır, güvənir. Çühnki bilir ki, uğurun açarı kollektiv birlikdədir.
- Bəs siz özünüz nə işlə məşğulsunuz?
- Mən bankirəm. Artıq bir müddət var ki, bu sahədə çalışıram.
- Maraqlıdır, özünüz futbolla nə dərəcədə maraqlanrsınız?
- Açığın deyim, o qədər də maraqlanmıram. Hətta deyərdim ki, bir çox qadın kimi, futbol mənim üçün də maraqsızdır. Yalnız qardaşım oynadığı oyunların videoyazılarını internetdən izləmişəm və onun oyunlarını analiz etmişik.
- Futbolçu kimi bildik. Bəs insan kimi Nedo haqda nə deyə bilərsiniz?
- Nedo həm işində, həm də şəxsi həyatında çox ciddi, məsuliyyətlidir. Özünü bütünlüklə futbol həsr edir, çünki bu peşəni sevir. Nedo indi olduğu yerə çatmaq üçün həyatda çox şeyi qurban verib.Düşünürəm ki, nəvaxtsa o, Avropanın tanınmış klublarıdan birində oynayacaq Çünki onun üçün hər şey hələ irəlidədir.
#футбол
Следующая публикация
Нет комментариев