Предыдущая публикация
Хьан бIаьргаш белира
Хьан бlаьргаш белира неlарш а йолуш,
Уьш къовлуш цхьаъ бен кхин догlа а доцуш,
Со бен цу догlанан коьрта да воцуш,
И дуй кхин вайшинна бен хуур доцуш.
Уьш къовлур йара ас
догlа дlатухуш,
Уьш къовлур йара ас
воха ца вухуш,
Со бен ца хьежийта,
Кхин цхьа а цаьрга,
Йа хьо ца хьежийта,
Соьга бен цхьаьнга.
Сан дог ган хьан деган белира бlаьргаш,
сан даг чохь хьан цlе гур ма йара царна.
Хьан пхенаш чухула ас йеттарх бергаш,
кхоьру со, хьан даг тlе кхаьчначохь вáрна.
Йиш хилча буту ша хьан даг чохь байта,
сан деган малхе бен басталур боцуш.
Йиш хилча хьан дагна ондда неl йайта,
Хьоьга и суна бен йеллалур йоцуш.
✍Минцаев lальви
Следующая публикация
Комментарии 2