Праз год у Вензаўцы сапраўды з'явiлася царкоўна-npыходская школа.
У 1920 годзе на сродкі казны ў вёсцы Вензавец была пабудавана пачатковая (польская, як яе называюць) 4 класная школа. Сялянскiя дзецi вучылiся у ёй бясплатна. Прадоўжыць адукацыю можна было ў Дзятлаве, праўда, ужо на платнай аснове. Акрамя таго, у старэйшую школу прымалi пераважна дзяцей католiкаў.
У выніку страшэнных пажараў, якія адбываліся ў 1939 годзе, згарэла вельмі многа хат Вензаўца (амаль цэлы канец вёскі), у тым ліку і школа. Аб тых сумных падзеях сёння напамінае мянушка "галавешкі", якой называлі пагарэльцаў, а затым і ўсіх жыхароў вёскі.
Пасля вызвалення Заходняй Беларусі ад польскіх акупантаў школа часова знаходзілася ў хаце насупраць царквы.
Пазней, у гады 2-й сусветнай вайны, старую школу ў Вензаўцы спалiлi партызаны, якiя не маглi дапусцiць, каб у ёй кватаравалi "народнiкi" (салдаты зноў створанай "Народнай apмii").
Пасля вайны недалёка ад Вензаўца, ва ўрочышчы Мураванка, рэпрэсавалi адну заможную сям'ю. У 1949 годзе дом рэпрэсaваных разабралi і перавезлi бярвенняў Вензавец, дзе на фундаменце старой, згарэўшай школы пабудавалі новую, савецкую, якая праiснавала да 1970 года. Цяпер у колiшнiм будынку школы месцiцца калгасны iнтэрнат.
У памяшканні школы размясцілі яшчэ 5 і 6 класы, а сёмы класны пакой перанеслі ў суседнюю хату насупраць. Школа стала, такім чынам, сямігодкай, а з 1960-61 навучальнага года васьмігодкай.
У 1969 годзе дзве васьмігодкі - Гірычскую і Вензавецкую - аб'ядналі ў сярэднюю школу. Пасля доўгіх і сур'ёзных спрэчак, дзе ёй быць, - у Вензаўцы ці ў Міроўшчыне, правялі канчатковае рашэнне аб будаўніцтве сярэдняй школы ў вёсцы Вензавец - цэнтры калгаса.
Адкрыццё школы адбылося ў 1970 годзе.
Спачатку ў ей, зразумела, было толькі 9 класаў. Таму ў 1970/71 навучальным годзе не было выпуска. Атэстаты аб сярэдняй адукацыі атрымалі 13 вучняў у 1971/72 навучальным годзе. Гэта быў першы выпуск:
1. Белавус Таццяна 1955 г.н.
2. Кармільчык Святлана 1953 г.н.
3. Татарчык Мікалай 1955 г.н.
4. Рагач Лідзія 1954 г.н.
5. Хаміцкі Мікалай 1955 г.н.
6. Багуслаўчык Тамара 1955 г.н.
7. Жук Ірына 1955 г.н.
8. Жамойдзік Валянціна 1955 г.н.
9. Шапурка Раіса 1955 г.н.
10. Панкевіч Вячаслаў 1955 г.н.
11. Нікіпорчык Валянціна 1954 г.н.
12. Губар Ірына 1955 г.н.
13. Кажала Надзея 1955 г.н.
Присоединяйтесь к ОК, чтобы подписаться на группу и комментировать публикации.
Нет комментариев