Предыдущая публикация
Левая колонка
О группе
Hamon ovunmadi musofir ko‘nglim,
Yillarday cho‘zilib ketdim yo‘llar ham.
Yo‘l qarab onamday ichikkan singlim-
Rayhonni sog‘indim, sog‘ingan bo‘lsam.
Bir payt baliqday pok, beg‘ubor edim,
Suvday tiniq edi, o, ko‘ngilginam.
Men yolg‘iz quyoshga xaridor edim,
Ummonni sog‘indim sog‘ingan bo‘lsam.
Shamollarni quvgan burgut edim men,
Chaqmoq tug‘ilardi nigohlarimdan.
Yomg‘irdek pokiza, yurak bag‘ri keng,
Osmonni sog‘indim sog‘ingan bo‘lsam,
Bu zabun holimdan kimga arz etay,
Kim ham tushunardi yig‘lasam, kulsam?!
Bir insonni izlab yuribman, netay,
Insonni sog‘indim, sog‘ingan bo‘lsam.
- Фергана
Скрыть информацию
Фото из альбомов
Ссылки на группу
45 участников