(гўдак ноласи)
Россияга кетманг, аяжон..
Тунда эртак айтманг майлига.
Айтганингиз қилай ҳар қачон,
Фақат бу йил кетманг, аяжон!
Кир ювсангиз чайиб бераман,
Сочларингиз ўзим ўраман.
Сиз кетсангиз қандай юраман,
Фақат бу йил кетманг, аяжон!
Самолётлар учса парвозга, Қаролмайман кўтарилган он.
Қайтаман деб айтасиз ёзда,
Фақат бу йил кетманг, аяжон!
Кутавериб чарчаб кетганман,
Тунлар тонгни йиғлаб кутганман.
Этагингиз бўзлаб тутганман,
Фақат бу йил кетманг, аяжон!
Рўмолингиз ҳидлаб ётаман, Тушларимда кўраман ҳар он.
Сиз кетсангиз куйиб кетаман,
Фақат бу йил кетманг, аяжон!
Гоҳ адашиб кетар бармоғим,
Кун санайман бўзлаб қароғим.
Бунча олисмисиз йироғим,
Фақат бу йил кетманг, аяжон!
P.S: Узоқ юртларга отланаётган опа-сингиллар! Келинг, жигаргўшангизнинг қароғини ёшга, қалбини нолага тўлдириб, меҳр чашмангиздан мосуво этманг. Она берадиган меҳрни унга бошқа ҳеч ким тақдим этолмайди, унутманг.
Присоединяйтесь к ОК, чтобы подписаться на группу и комментировать публикации.
Комментарии 4