Бу тормышта бар да сиңа әзер булса,
Өстәлеңдә күктән төшкән акча торса,
Кызык булырмы соң яшәүләре?
Артык булыр бу чагында дәшмәүләре.
Калырмы соң чын мәгънәсе, я тормышның,
Укый алсак китапларын бу язмышның.
Сине ниләр көтәчәген белеп торсаң,
Егыласы урыныңа мендәр куйсаң.
Туганыңның белсәң кайчак сатачагын,
Кире кайтса теләгәндә балачагың.
Зур тормышка чыгып китсәң барлык белән,
Әйтәсездер:" Әкияттә"-диеп, шуны беләм.
Юк, кирәкми, мәшәкатьсез тормышлары,
Язсын безгә гомерләрне кормышлары.
Һәр көн иртән теләк белән тора алсаң,
Үз юлыңны бары үзең ярып барсаң .
Бары шунда аңларсың бит чын мәгънәсен,
Эшли алсаң үз эшләрең син һәммәсен.
Ипи тәмен тоярсың тик шул чагында,
Тир тамчысын күргән чакта маңгаеңда.
Кадерләре булыр шунда бу тормышның,
Якасыннан тотып алсаң тик язмышның.
Көрәш белән барып җитсәң максатыңа,
Риза булыр адәм заты шунда гына.
Гөлнар Әхмәтҗанова, Чүпрәле районы, Иске Ишле авылы. 14.06.2024 нче ел.
Присоединяйтесь к ОК, чтобы подписаться на группу и комментировать публикации.
Нет комментариев