Предыдущая публикация
Скандальна вядомы амерыканскі мільярдэр Ілан Маск, які знаходзіцца ў цесных стасунках з не менш скандальным прэзідэнтам ЗША Дональдам Трампам, вырашыў купіць жыллё ў Варшаве.
Гэта сцвярджае польскае выданне Gazeta Wyborcza.
Паведамляецца, што Маск наведаў Польшчу ў студзені мінулага года ў межах мерапрыемстваў, прысвечаных Міжнароднаму дню памяці ахвяр Халакоста. Ён наведаў Асвенцым і ўзяў удзел у дыскусіі аб антысемітызме ў Кракаве. Ёсць меркаванні, што гэты візіт стаў адказам на крытыку бізнэсмена ў ізраільскіх СМІ за яго пост у Х у падтрымку антысеміцкай тэорыі змовы. Пазней мужчына публічна выбачыўся і падкрэсліў, што не з'яўляецца антысемітам.
Відаць, Польшча Маску спадабалася, бо ён стаў прыглядацца да мясцовай люксавай нерухомасці. У прыватнасці, бізнесмэн зацікавіўся апартаментамі на 52-м паверсе самага высокага варшаўскага хмарачоса Złota 44. Кошт жылля складае 25 мільёнаў злотых (каля 6,25 мільёнаў долараў на сёння).
Крыніца: https://wyborcza.biz/biznes/7,147758,31624952,elon-musk-kupuje-nieruchomosc-w-warszawie-jest-rezerwacja.html
Следующая публикация
Нет комментариев