7 чэрвеня 2023 года на Светлагорскім цэлюлозным камбінаце здарыўся хімічны выбух. У выніку загінулі трое чалавек, а шкода прадпрыемству перавысіла 7 мільёнаў рублёў.
Следчыя ўстанавілі, што ў той дзень намеснік кіраўніка цэха рэгенерацыі даручыў сваім падначаленым правесці хімічную ачыстку перакісам вадароду пасудзіны, якая працуе пад высокім ціскам. Пры выкананні работ адбылася самаадвольная ланцуговая экзатэрмічная рэакцыя, што справакавала выбух, магутнасцю амаль 680 кілаграмаў у тратылавым эквіваленце.
Жахлівы той факт, што кіраўнік цэха дакладна ведаў, што прамыванне падагравальніка перакісам вадароду не прадугледжана тэхнічнай дакументацыяй, але каб сэканоміць час, усё ж даручыў супрацоўнікам выканаць такую працу.
Па выніках расследавання мужчыне прад'явілі абвінавачанне за парушэнне правілаў вытворча-тэхнічнай дысцыпліны, правілаў бяспекі на выбухованебяспечных прадпрыемствах, якое пацягнула па неасцярожнасці смерць дзвюх і больш асоб, а таксама прычыненне шкоды ў асабліва буйным памеры. Яго могуць пакараць абмежаваннем волі да пяці гадоў або пазбаўленнем волі ад двух да сямі гадоў.
Крыніца: https://sk.gov.by/ru/news-ru/view/moschnyj-ximicheskij-vzryv-podrobnosti-avarii-na-svetlogorskom-tskk-13918
Присоединяйтесь к ОК, чтобы подписаться на группу и комментировать публикации.
Комментарии 5