У рэдакцыю дасылалі таксама і фота пабітых машын пасля граду.
Хто можа прэтэндаваць на пакрыццё ўрону? Дакладна могуць быць спакойнымі ўладальнікі КАСКО. А вось кіроўцы са звычайнай дарожнай страхоўкай могуць кампенсаваць шкоду толькі ў тым выпадку, калі пацярпелы ад стыхійнага бедства аўтамабіль быў застрахаваны па прынцыпе добраахвотнага страхавання.
Як тлумачаць спецыялісты «Белдзяржстраха», абавязковае страхаванне грамадзянска-прававой адказнасці не падыходзіць: выплаты па ім ажыццяўляюцца, толькі калі здарылася ДТЗ, гэта значыць, прысутнічаюць пацярпелы і парушальнік.
Калі ў вас ёсць КАСКО, для атрымання выплаты трэба:
🔹 сфатаграфаваць пашкоджаны аўтамабіль у тым выглядзе, як была нанесена шкода;
🔹 аператыўна звярнуцца ў сваю страхавую кампанію;
🔹 дзейнічаць у адпаведнасці з рэкамендацыямі страхоўшчыка.
Калі аўтамабіль не застрахаваны па КАСКО або ў дамове няма пункта аб кампенсацыі ў выпадку стыхійных бедстваў, то прыйдзецца звяртацца ў суд. Трэба будзе сабраць доказы, што паваленае дрэва было сухім ці хворым, а не звалілася на аўто праз вецер. Пагадзіцеся, гэта нялёгка: прайсці цэлы шэраг інстанцый, замовіць незалежную экспертызу дрэва і гэтак далей.
Калі вы не жадаеце афармляць КАСКО, адсочвайце сводкі надвор’я і хавайце машыну ў гараж.
Крыніца: https://belkagomel.by/2024/07/16/aktualno-dlya-gomelya-chto-delat-esli-na-mashinu-upalo-derevo/
Присоединяйтесь к ОК, чтобы подписаться на группу и комментировать публикации.
Нет комментариев