Так у Мазыры зараджаюць тэлефоны каля «Белтэлекама» праз адсутнасць святла пасля непагадзі
Супрацоўнікі «Белтэлекама», дзе ў працоўны час працуе генератар, не адмаўляюць у дапамозе людзям зарадзіць тэлефоны. Але ёсць нюанс – зараджацца можна толькі тым, каму ёсць 18 гадоў.
Такое правіла прыдумалі пасля таго, як убачылі, што зарадкай карыстаюцца дзеці, каб глядзець потым відэа ў TikTok.
Тым часам у розных мясцовых СМІ паведамляюць, што ў розныя раёны горада паступова вяртаецца электрычнасць. У чаціках жыхары дзеляцца месцамі, дзе пачаў з’яўляцца інтэрнет.
Паводле апошняй інфармацыі, святочныя мерапрыемствы, прымеркаваныя да 100-годдзя Мазырскага раёна, што планавалі на 20 ліпеня, пераносяцца – хутчэй за ўсё на верасень.
Як заяўляе «Телеканал Мозырь», маштабы надзвычайнай сітуацыі поўнасцю не вядомыя: сувязь пакуль адсутнічае. Спецыяльныя камісіі аб'язджаюць усе вёскі Мазырскага раёна і вядуць падамавы абход.
Крыніца: https://t.me/tkm_news/9411
Присоединяйтесь к ОК, чтобы подписаться на группу и комментировать публикации.
Комментарии 4