Предыдущая публикация
Тым часам у мазырскіх пабліках скардзяцца на перапоўненыя дзіцячыя бальніцы ў Мазыры і Гомелі.
Хварэюць на пнеўманію, некаторыя яшчэ з канца мая.
Верагодна, што падобнае адбываецца і ў іншых рэгіёнах, бо па словах галоўнага дзяржаўнага санітарнага ўрача Беларусі Святланы Нячай, у чат-бот Міністэрства аховы здароўя ад грамадзян сталі паступаць пытанні пра захворванні на рэспіраторныя інфекцыі, у тым ліку пнеўманіі.
Аднак, па яе словах, колькасць захворванняў знаходзіцца ў межах сярэднешматгадовых паказчыкаў. Праўда, канкрэтных лічбаў медык не прывяла.
«Больш за 50% выпадкаў пнеўманій, якія зараз рэгіструюцца ў Беларусі, выклікаюцца мікраарганізмамі роду мікаплазма. Гэты ўзбуджальнік у Беларусі, у асноўным, рэгіструецца ў дзяцей, старэйшых за 5 гадоў і падлеткаў», – паведаміла Нячай.
Па словах загадчыцы кафедры дзіцячых інфекцыйных хвароб БДМУ Аксаны Раманавай, нязначны ўздым захворванняў на пнеўманіі ёсць у Гомельскай, Віцебскай і Магілёўскай абласцях.
Крыніца: https://t.me/minzdrav_gov_by/14185
Следующая публикация
Комментарии 1