FUTBOL YANGILIKLARI

«Фарзандларингни йўқотишдан қўрқ». «Осасуна» — «Реал» ўйини ҳакамига таҳдидлар бўлмоқда Ла Лига 24-туридан ўрин олган «Осасуна» — «Реал» (1:1) баҳсини бошқарган ҳакам ижтимоий тармоқларда таҳдидларга учради. Эслатиб ўтамиз, ўйиннинг 40-дақиқасида Хосе Мунуэра Монтеро мадридликлар яримҳимоячиси Жуд Беллингҳэмга қизил карточка кўрсатган, иккинчи бўлимда эса Памплона клуби фойдасига пеналти белгилаганди. Баҳсдан сўнг ҳакам ижтимоий тармоқда ҳақоратларга дуч келди. Хусусан, унга шундай изоҳлар ёзилди: «Кейинги сафар «Бернабеу»га келганда, унга нафас олишига йўл қўйманг», «Сени ўлдираман», «Фарзандларингни йўқотишдан қўрқ», «Сени кўчада кўрсак, чўлоққа айлантирамиз». Шундан сўнг Монтеро инстаграмда шарҳларни ёпишга мажбур бўлди.

Рюдигер ва Алаба «Сити» билан ўйингача тикланишлари мумкин, Васкес эса улгурмайди Давид Алаба ва Антонио Рюдигер ЕЧЛ доирасидаги «Манчестер Сити» билан жавоб ўйинига тикланишлари мумкин. «Реал» Чемпионлар Лигаси ўтиш босқичи доирасида 19 феврал куни АПЛ чемпионини қабул қилади. Мадрид клуби биринчи ўйинда 3:2 ҳисобида ғалаба қозонган. ASʼнинг хабарига кўра, Рюдигер ва Алаба муддатидан олдин жароҳатлардан халос бўлишлари мумкин. Улар душанбадан машғулотларга қўшилиши кутилмоқда. Бироқ муҳим баҳсда майдонга тушишлари борасида ҳамон баъзи шубҳалар бор. Сон мушакларидан жароҳат олган Лукас Васкеснинг ҳолати эса аниқ — у «шаҳарликлар» билан ўйинга тайёр бўлмайди.

Левандовски 3 йилга яқин вақт ичида «Барса» учун 90 та гол уриб қўйди 🔥

Бензема Роналду ҳақида: «Мен фақат гол уриш ҳақида ўйлайдиган футболчи эмасман» «Ал Иттиҳод» ҳужумчиси Карим Бензема «Ан Наср» форварди Криштиану Роналдудан фарқли равишда асосий мақсади мунтазам гол уриш эмаслигини айтди. «Мен фақат гол уриш учун ўйнайдиган йигит эмасман. Бу ерда Криштиану билан рақобатлашиш яхши, аммо мен учун ўйинларни ютиш жуда муҳимдир. Агар жамоага ёрдам берадиган голлар урсам, албатта, хурсанд бўламан. Мен гол уришни яхши кўраман ва ассистлар ҳам бераман. Жамоага ёрдам беришни яхши кўраман. Жамоа — мен учун энг муҳими», —деди франциялик футболчи Саудия пролигаси расмий сайтига берган интервюсида. Маълумот учун, бу мавсумда Саудия чемпионатида Бенземанинг жамоаси (52) пешқадам бўлиб турибди, Роналду ўйнайдиган «Ан Наср» (44) 3-поғонада. Тўпурарлар пойгасида эса португалиялик юлдуз (16) «Реал»даги собиқ жамоадошини бир голга ортда қолдирган ҳолда етакчилик қилмоқда.

Флик: «Беллингҳэмнинг ҳаракатини ҳурматсизлик деб ҳисоблайман. Доим «Барса» ўйинчиларига ҳакам билан тортишишга вақт сарфламасликни уқтираман» «Барселона» бош мураббийи Ҳанси Флик «Реал» яримҳимоячиси Жуд Беллингҳэмнинг ҳакам билан тортишгани учун қизил карточка олганига муносабат билдирди. Мадрид клуби футболчиси «Осасуна» (1:1) билан ўйиннинг 39-дақиқасида четлатилди. Протоколда бош ҳакам Хосе Мунуэра Монтеро Белллингҳэм уни ҳақоратлаганини қайд этган. «Буни ҳакамга нисбатан ҳурматсизлик деб ҳисоблайман, лекин мен бу ҳақда гапирадиган одам эмасман. Ҳар доим футболчиларимга айтаман. Нима учун ҳакам билан тортишишга вақт ва куч сарфлаш керак? Ҳакам билан гаплашиш ҳуқуқига эга бўлган бир ўйинчи бор ва бу — сардор. Менга ҳандбол ёқади — ҳакам ҳуштак чалади, тўп ерда қолади ва сиз ҳимояга қайтишингиз керак. «Реал»нинг ўйинида кўрган нарсаларимга ўхшаш хатти-ҳаракатларни ёқтирмайман ва бугун ҳам шогирдларимга бу ҳақда айтдим. Бу жамоа учун ёмон. Қизил карточкалар бизни заифлаштиради», — деди каталонияликлар устози «Райо Валекано» билан ўйин олдидан.

Санжар Турсунов 38 ёшида футболчилик фаолиятини якунлади Ўзбекистон миллий жамоаси собиқ яримҳимоячиси Санжар Турсунов фаолиятини якунлаганини эълон қилди. «Бугун мен профессионал футболдаги фаолиятимга якун ясаганимни эълон қилмоқчиман. Бутун футбол жамоатчилигига, миллий жамоага ва фаолиятим давомида ўйнаган барча клубларга, мураббийларга, жамоадошларимга ҳамда футбол мухлисларига ташаккур изҳор этаман», — деб ёзди 38 ёшли ўйинчи ижтимоий тармоқлардаги саҳифасида. Маълумот учун, Турсунов фаолияти давомида «Волга», «Алания», «Оренбург», «Ворскла», «Умм Салал», «Ал Ҳуритият», «Тэжон Ситизен», «Бунёдкор», ОКМК ва «Локомотив» клубларида ҳаракат қилган. Санжар Ўзбекистон миллий жамоасида 50 ўйинда майдонга тушиб, 5 та гол урган.

Постекоглу: «МЮ» захирасида ёш болалар ўтирди. Менинг дунёмга хуш келибсан, Аморим» «Тоттенҳэм» бош мураббийи Анже Постекоглу АПЛ 25-туридан ўрин олган «Манчестер Юнайтед»га (1:0) қарши ўйиндан сўнг рақиб таркибидаги муаммолар унга бегона эмаслигига киноя қилди. «Рубен Аморим футболчиларни ўз позициясида ўйната олмади ва ёш болаларни захирада сақлашига тўғри келди. Менинг дунёмга хуш келибсиз. Бу — фақат битта ўйин. Буни икки ой давомида бажаришга ҳаракат қилиб кўринг-чи. Аммо, менимча, бугун «Манчестер Юнайтед» яхши ўйнади», — деди «шпорлар» устози. Эслатиб ўтамиз, аввароқ «Тоттенҳэм» ҳам таркиб борасида жиддий муаммоларга дуч келганди ва ҳатто асосий жамоанинг 11 футболчиси сафдан чиққанди.

Аморим: «Ҳамжиҳат бўлиб, оғир мавсумни якунлаб қўйишимиз керак. Мени истеъфо эмас, жадвалдаги ўрнимиз ташвишлантиряпти» «Манчестер Юнайтед» бош мураббийи Рубен Аморим АПЛ 25-туридан ўрин олган «Тоттенҳэм» (0:1) билан ўйиндан сўнг ўз фикрларини билдирди. «Фарқ — рақиб гол урди, биз эса йўқ. Яхши имкониятлар ва қарши ҳужумлар бўлди, аммо фойдалана олмадик. Майдондаги йигитлар билан гол уришимизни ҳис қилдим, шу сабаб ёшларни майдонга туширмадим. Чунки АПЛ — энг қийин лига. Ёшларга эҳтиёт бўлишимиз керак, аммо улар албатта ўйнашади. Кейинги ўйинларга айрим футболчилар қайтишади. Ҳамжиҳат бўлишимиз, оғир мавсумни якунлаб қўйишимиз ва янги мавсумни бўш варaқ билан бошлашимиз керак. Мени истеъфо эмас, кўпроқ жадвалдаги ўрнимиз (15-поғона) ташвишлантиради. Биз узоқ вақтдан сўнг бўш ҳафтага эга бўлдик ва ўз принципларимиз устида ишладик, аммо ҳар куни ўйинчиларни йўқотдик ва бу ўйинга ёндашувга таъсир қилди. Биз Зиркзе орқали Диалло билан бўлгани каби ўйнай олмаймиз. Баъзан мен комбинациялар пайтида Бруну тўпга эга бўлишини хоҳлайман, чунки у ўйинни яхши бошқаради, лекин шу билан бирга унинг прессинг қилишини ҳам истайман. Бу жуда қийин. Агар сиз доимий равишда ўзгаришлар киритсангиз, бу қийинлашади. «Тоттенҳэм»га қарши 4-4-2 схемасида ўйнаш қийин. «Шпорлар» бутун майдон бўйлаб очиқ футбол ўйнашади. Мен, шунингдек, йигитларни ҳар ҳафта муҳокама қилаётганингизни кўраман. Менда кўплаб муаммолар, жуда қийин иш бор. Аммо ўз ишончимни ушлаб тураман», — дея португалиялик мутахассиснинг сўзларини келтиради ВВС.

🔴 «МЮ» 1973/74 йилги мавсумдан сўнг илк бор Англия чемпионатида 25 ўйиннинг 12 тасида ютқазди. Ўшанда жамоа якунда 21-ўринни эгаллаб, Чемпионшипга тушиб кетган. 🔴 «МЮ» Аморим қўл остида АПЛдаги 14 ўйиннинг 8 тасида мағлуб бўлди. 🔴 Гарначо сўнгги 14 та яккама-якка вазиятдан фақат 2 тасини голга айлантирди.

Бу воқеа 2012 йил январь ойида Камп Ноуда бўлган класико учрашувидан сўнг рўй берган. Жозе Моуриньо ўша учрашувда бир нечта баҳсли қарорлардан ғазабга тушади: ❌ Қўшимча вақт етарли берилмагани 🟥 Серхио Рамосга қизил карточка кўрсатилгани ❌ Иккинчи таймдаги бир гол ҳисобланмагани ❌ Барселона жарима майдонидаги икки бор қўл билан ўйнаш ҳолати инобатга олинмагани. Учрашув 2:2 ҳисобида якунланган ва умумий 4:3 натижа билан “Реал” Мадрид мусобақадан чиқиб кетган. Моуриньо эса ҳакам Фернандо Тейшейра Витиенесни “Камп Ноу” машина тураргоҳида кутиб олган. У кейинроқ шундай деган: «Ҳакамни машина тураргоҳида кутиб турдимми? Инкор қилмайман. Унга одоб билан: "Сизда шаън йўқ", дедим». Бу ҳолат Моуриньонинг футболга нисбатан қатъиятли ва эҳтиросли муносабатини яна бир бор кўрсатган. 📱 @xayrulla_hamidov