FUTBOL YANGILIKLARI

"Наполи" - "Интер". Миланликларнинг 5 футболчиси бугунги ўйинни ўтказиб юборади Бугун Италия А Сериясида 27-турнинг марказий "Наполи" - "Ювентус" учрашуви бўлиб ўтади. Жамоаларнинг бир қатор ўйинчилари бугунги ўйинни ўтказиб юборади. "Наполи": Замбо Ангисса, Давид Нерес, Паскуале Маццокки. "Интер": Карлос Аугусто, Валентин Карбони, Маттео Дармиан, Янн Зоммер, Никола Залевски, Рафаэлле ди Женнаро (сўроқ остида) Учрашув 22:00 да бошланади.

Ла Лига. "Бетис" - "Реал". Асосий таркиблар эълон қилинди Ла Лиганинг 26-турида "Бетис" ўз майдонида "Реал" жамоасини қабул қилади. Ушбу беллашувнинг асосий таркиблари эълон қилинди. "Бетис" - "Реал" 1 март, соат 22:30 "Бенито Вильямарин" стадиони

🚨✅ #Rasman: Kelgusi mavsum uchun futbol qonunchiligidagi o'zgarish: ⏰ Agar to'p 8 soniyadan ko'proq darvozabonda qolsa = burchak to'pi raqibga beriladi.

Англия Кубоги. "Манчестер Сити"нинг "Плимут"га қарши асосий таркиби эълон қилинди "Манчестер Сити" Англия кубоги 1/8 финалида "Плимут"ни қабул қилади. Гвардиола ушбу беллашувнинг асосий таркибини эълон қилди. Бугунги баҳсда Абдуқодир Ҳусановга дам берилди. "Манчестер Сити" - "Плимут" 1 март, соат 22:45 Англия кубоги, 5-раунд "Эттиҳад" стадиони.

Элдор Шомуродов – илк бор «Рома»да ойнинг энг яхши футболчисига айланди «Рома» клуби феврал ойи якунларига кўра, ойнинг энг яхши футболчиси номи учун овоз бериш якунларини эълон қилди. Унга кўра, Элдор Шомуродов илк бор Рим клубида ой футболчиси деб топилди. Ўзбекистонлик ҳужумчи клуб расмий сайтидаги овоз бериш жараёнида 5 номзод орасида энг кўп овоз тўплаб, ой лауреатига айланди. У Дибала, Анхелиньо, Челик ва Сулени ортда қолдирди. Элдор А Серия 26-турида «Монца»га қарши баҳсда гол ва ассист қайд этиб, тур рамзий жамоасидан ўрин олганди. Ўзбек ҳужумчиси кетма-кет ўйинларда асосий таркибда майдонга тушмоқда. Маълумот учун, Элдор Рим клубидаги 4 йиллик фаолияти давомида илк бор ойнинг энг яхши футболчисига айланди.

Мессининг «Барселона»га қайтиши учун иккита шарт бор Афсонавий аргентиналик футболчи Лионель Месси «Интер Майами» клубини тарк этиши мумкин. "El Nacional" манбасига кўра, «Барселона» аргентиналик юлдузни жамоага қайтариш имкониятини жиддий ўрганмоқда. Якуний қарор Мессининг ўзига боғлиқ. У жамоага ёрдам бера олиши ва ёш футболчилар ривожига тўсқинлик қилмаслигига ишонса, «Барселона»га қайтишни кўриб чиқишга тайёр. Бундан ташқари, аргентиналик юлдузни қайтариш «Барселона»нинг молиявий муаммоларини янада чуқурлаштириши мумкин. Месси ўз фаолиятини «Барселона»да бошлаган ва бу жамоада умрининг катта қисмини ўтказган. У клуб тарихидаги энг яхши тўпурар бўлиб, Чемпионлар Лигаси ва Ла Лига каби кўплаб совринларни қўлга киритган. Шунингдек, у етти марта «Олтин тўп» соҳиби бўлган. 2022 йилда эса Аргентина терма жамоаси билан Қатардаги жаҳон чемпионатида ғолиб чиқиб, мусобақанинг энг яхши ўйинчиларидан бирига айланган.

«Манчестер Юнайтед» афсонаси Месси ва Пеледан яхшироқ деб билган уч нафар футболчини айтди Англиянинг «Манчестер Юнайтед» клуби афсонаси, собиқ футболчи Рой Кин футбол тарихидаги энг яхши уч футболчини айтди. Ирландиялик мутахассис Криштиану Роналду, Диего Марадона ва Зинедин Зиданни ажратиб кўрсатган. «Тарихдаги энг яхши футболчилар? Криштиану Роналду, Диего Марадона ва Зинедин Зидан. Улар ажойиб футболчилар», — деди Кин. Бундан аввал машҳур португалиялик мураббий Жозе Моуриньо ҳам футбол тарихидаги энг яхши уч нафар футболчини айтган эди. Унинг рўйхатига икки аргентиналик афсона — Лионель Месси ва Диего Марадона, шунингдек, уч карра жаҳон чемпиони Пеле киритилган.

Араухо ўзи дуч келган энг қийин футболчи ким эканлигини айтди "Барселона" марказий ҳимоячиси Рональд Араухо фаолияти давомида ўзи дуч келган энг қийин рақиб ким эканлигини айтди. – Сиз дуч келган энг қийин рақиб? – Винисиус Жуниор. У ақл бовар қилмас тезликка эга", - деди 25 ёшли уругвайлик футболчи «MD» билан суҳбатда.

"Ливерпуль" "Реал" захирасида қолиб кетаётган юлдузни Салоҳга ўринбосар сифатида олиб келмоқчи "Ливерпуль" ёзда катта эҳтимол билан Муҳаммад Салоҳ билан хайрлашади. Мисрлик суперюлдуз эркин агентга айланади. Мерсисайдликлар мисрликнинг ўрнига бошқа бир африкалик футболчини олиб келмоқчи. Гап "Реал"нинг марокашлик вингери Браим Диас ҳақида кетмоқда. 25 ёшли Браимнинг "қироллик клуби" билан 2027 йилгача мўлжалланган шартномаси бор. «Transfermarkt» унинг нархини 35 миллион еврога баҳоламоқда.