FUTBOL YANGILIKLARI

"Реал" ёки "Барселона": Фримпонг кейинги клубини танлади "Байер" ҳимоячиси Жереми Фримпонг ўзининг навбатдаги клубини танлади. TodoFichajes хабарига кўра, 23 ёшли нидерландиялик футболчи ўзининг яқинларига "Реал"га ўтиш истагини айтган. Мадридда Фримпонг ўнг қанотда Даниэль Карвахалнинг меросхўри бўлиши мумкин. Қайд этилишича, Фримпонг "Барселона"нинг қизиқишидан хабардор, аммо у "Реал" либосини кийишни афзал кўради. Жереми Фримпонгнинг "Байер" билан амалдаги шартномасида 40 миллион еврога сотиб олиш имконияти мавжуд. 2023/2024 йилги мавсумда Фримпонг 47 та расмий ўйинда майдонга тушиб, 14 та гол урди ва шерикларига 12 та голли узатма берди.

📰 The Athletic "Real Madrid" Xoseluni 1,5 million yevro evaziga doimiy ravishda sotib oladi.

Тен Хаг жамоага шарт қўйди "Манчестер Юнайтед" бош мураббийи Эрик тен Хаг, агар "қизил иблислар"нинг трансфер сиёсатига таъсири чекланмаган бўлса, инглиз клуби билан меҳнат шартномасини узайтиришга тайёр бўлади. Аввалроқ ОАВда "Манчестер Юнайтед" нидерландиялик мутахассиснинг клуб трансферларига таъсирини чекламоқчи эканлиги ҳақида маълумотлар пайдо бўлганди. "Қизил иблислар" раҳбарияти Тен Хаг кўпроқ мураббийликка эътибор қаратиши керак, деб ҳисоблайди. Тен Хагнинг "Манчестер Юнайтед" билан амалдаги шартномаси 2025 йилнинг ёзига қадар мўлжалланган. Клуб мутахассис билан шартномани 2027 йилгача узайтирмоқчи экани хабар қилинганди.

✅ #Fakt. 🇪🇸 Ispaniya terma jamoasining 🇪🇺 Yevrodagi so'nggi 50 golining barchasi jarima maydoni ichkarisidan urilgan.

Кафу: "Ирқчилик - бу инсоний иллат" Бир неча кун олдин Испаниянинг Валенсия шаҳрида ирқчилик соҳасида алоҳида ажралиб турган баъзи футбол мухлислари устидан ҳукм чиқарилди: Винисиус Жуниорни ҳақорат қилгани учун улар Испания қамоқхонасида саккиз ой ўтирадилар. Бу ирқчиликка қарши курашдаги ҳақиқий қадамлар, деди Кафу. У ўз фаолиятида Испанияда ҳам тўп тепган - 1994/1995 йилги мавсумда у Испаниянинг "Сарагоса" клуби шарафини ҳимоя қилди ва улар билан Кубок эгалари кубогини қўлга киритди. "Ирқчилик - бу инсоний иллат ва ниҳоят, мен унга қарши курашда ҳақиқий қадамларни кўрмоқдаман. Бу ҳамма учун сабоқ бўлсин", деди Кафу.

Ферран "Барселона"даги келажаги борасида бир қарорга келди "Барселона" ҳужумчиси Ферран Торрес ёзги трансфер ойнасида Каталония клубини тарк этиш ниятида эмас. Бу ҳақда журналист Ферран Корреа хабар бермоқда. Манбага кўра, Торрес "Барселона"да муваффақият қозонишни истайди ва у муваффақиятга эришишига ишончи комил. Ўтган мавсумда 24 ёшли футболчи барча турнирларда 42 та ўйинда майдонга тушиб, 11 та гол урди ва 4 та голли узатмани амалга оширди.

"Барселона" текинга ЕЧЛнинг энг зўр ҳимоячисини олмоқчи Дортмунднинг "Боруссия" клубини тарк этган марказий ҳимоячи Матс Хуммельс фаолиятини Испания чемпионатида давом эттириши мумкин. Бу ҳақда Todofichajes портали саҳифаларида хабар берилди. Журналистларнинг ёзишича, 35 ёшли футболчига “Барселона” қизиқиш билдирмоқда. "Блауграна"ни тажрибали немиснинг текин трансфери ўзига тортмоқда. Аввалроқ матбуотда Хуммельснинг трансферига "Милан" ҳам қизиқаётгани ҳақида хабарлар тарқалган эди. Эслатиб ўтамиз, Хуммельс ўтган мавсумда ЕЧЛда энг яхши ҳимоячи деб топилди.

🏴󠁧󠁢󠁥󠁮󠁧󠁿Hari Keyn: 🔈-Bungacha qo'lga kiritgan barcha kuboklarimni mana shu Yevropa Chempionligiga almashtirgan bo'lardim!👀

Фати ўтиши мумкин бўлган клуб номи маълум бўлди Ҳужумчи Ансу Фати 2023/2024 йилги мавсумда "Брайтон"да ижара асосида ўйнади. Энди ёш футболчи "Барселона"га қайтмоқда, у ерда жамоа унга жиддий ишонишмаяпти. Фати ёзда яна клубини ўзгартириши мумкин. “Марсель” 21 ёшли футболчи билан шартнома имзоламоқчи. Манбага кўра, провансликлар жамоасини бошқаришга яқин турган Роберто де Дзерби Ансуни жамоада кўрмоқчи. Ўтган мавсумда италиялик мураббий "Брайтон"да Фати билан бирга ишлаган. 2023/2024 йилги мавсумда Ансу Фати 30 та ўйин ўтказиб, 4 та гол урди ва битта голли узатмани амалга оширди.

Madhiya aytishni italyanlardan o'rganing!