FUTBOL YANGILIKLARI

Ўзбекистон делегациясининг ёзги Олимпия ўйинларида қайд этган натижалари

⚪️ Винисиус «Реал» сафида 12 финалда 13 очко тўплади: 8 гол ва 5 ассист. ⚪️ Мбаппе 20-совринини ютди ва бу борада францияликлар орасида 9-ўринда. Рекордчи — Бензема (33). ⚪️ Модрич 6-бор клублар ўртасидаги ЖЧ/қитъалараро кубокни ютди.

«Реал» 2024 йилда ютиши мумкин бўлган 6 та турнирнинг 5 тасида ғолиб чиқди ☝️ Мадрид клуби фақат Испания Кубогини ютолмади.

"Реал" афсонаси клубни табриклади "Реал"нинг собиқ сардори Серхио Рамос клубни қитъалараро кубокдаги ғалабаси билан табриклади. Карло Анчелотти шогирдлари финалда мексикалик рақиблари дарвозасига жавобсиз учта гол уриб, “Пачука” устидан ғалаба қозонишди. Килиан Мбаппе, Родриго ва Винисиус Жуниор (пенальтидан) аниқ зарба беришди. “Табриклайман, “Реал”. Дунёнинг энг яхши клуби ёрлиғини тасдиқловчи яна бир соврин”, - деб ёзди 38 ёшли марказий ҳимоячи ижтимоий тармоқларда

«Барса» «МЮ» билан Рэшфордни де Йонгга алмаштириш борасида музокара олиб бормоқда — El Nacional El Nacional хабарига кўра, «Барселона» «Манчестер Юнайтед» билан Маркус Рэшфордни Френки де Йонгга алмаштириш борасида музокаралар олиб бормоқда. Манба берган хабарга кўра, айни вақтда Рубен Аморим Рэшфордни «МЮ»дан кетишини истамоқда. Португалиялик мутахассиснинг фикрича, де Йонг жамоа яримҳимоясига қўшимча сифатли ўйинчи бўлиши мумкин. Аввалроқ, «МЮ» қишки трансфер ойнасида 27 ёшли англиялик ҳужумчини сотишга тайёр эканлиги ҳақида хабарлар тарқалганди.

«Манчестер Сити» бош мураббийи Гвардиола муваффақиятсизликлар сабабини топди «Манчестер Сити» бош мураббийи Пеп Гвардиола жамоасининг тақвимидан норози. «Ўтган мавсумда Родри 75 та ўйин ўтказди. Ўйинчиларга бир неча ой дам беринг, кейин 80 та ўйин ўйнанг. Кейинги мавсумда бизга 30 нафар футболчи керак бўлади. «Челси» аллақачон бу борада ишлар қилган», - деди испаниялик мутахассис. «Шаҳарликлар» узоқ давом этиб келаётган инқирозни бошдан кечирмоқда. Гвардиола шогирдлари сўнгги 11 учрашувнинг 8 тасида мағлуб бўлишди.

Бокс мутахассиси: "Жалолов ҳайратланарли вазиятни кўрсатиб улгурмаган" Бокс мутахассиси Тейлор О'Хиггинс ўзбекистонлик Баҳодир Жалолов ҳақида фикр билдирди. "Энг оғир вазн тоифаси — бу ҳаваскор бокснинг маълум босқичларида энг қийин дивизион. Жалолов олтин медалгача бўлган йўлда ҳайратланарли вазиятни кўрсатиб улгурмаган. У Теремоана билан ҳам деярли тенг жанг қилганди. Агар уни ҳам нокаут қила олганида, бу айни муддао бўлар эди. Унинг профессионал боксда жаҳон чемпиони бўлиш имкониятларига келсак, бунинг жавоби вазиятга боғлиқ бўлади. Менимча, Усик ва Фьюри нафақага чиққанидан кейин Жалолов чемпионлик камарини ҳеч қандай муаммосиз қўлга кирита олади. Шундай экан, ҳа, мен уни жаҳон чемпиони бўлади, дея оламан. Лекин у янада кўпроқ ҳаракат қилиши ва кучли боксчилар билан кўпроқ жанг ўтказиши керак", деди Тейлор. Манба: twitter.com/TaylorOnSport

Артета танқидларга жавоб қайтарди Лондоннинг «Арсенал» клуби бош мураббийи Микель Артета сўнгги ўйинларда жамоага қилинган танқидлар ҳақида гапирди. — Танқидлар? Охирги олти учрашувда йирик ҳисобда ғалаба қозонишимиз керак эди», - дея испаниялик мураббийнинг сўзларини келтиради журналист Фабрицио Романо. 16-турдан сўнг «Арсенал» 30 очко билан Англия Премьер-лигаси турнир жадвалида учинчи ўринда бормоқда. Пешқадам «Ливерпуль»дан 6 очко фарқи бор.

Винисиус: «Реал» либосини ҳамма ҳам кия олмайди. Биз танланганлармиз» Винисиус Жуниор «Реал»нинг 2024 йилдаги ўйинларига баҳо берди. 18 декабр куни жамоа финалда «Пачука»ни мағлуб этиб (3:0), ФИФАнинг қитъалараро кубогини қўлга киритди. Умуман олганда, Мадрид клуби 2024 йилда 5 та соврин ютди. «Биз доим барча совринларни қўлга киритишни хоҳлаймиз. Дунёнинг энг яхши клуби эканлигимизни исботладик. Умид қиламанки, шу руҳда узоқ вақт давом этамиз ва клубга совринлар олиб келамиз. Менимча, бу ҳақиқатан ҳам бир эпохани белгилайди. Жамоа тарих талаб қилганини бажаришда давои этмоқда. Ҳамма ҳам бу либосни кия олмайди. Биз танланганлармиз», — дея мадридликлар вингерининг сўзларини келтиради Marca.

Винисиус Жуниор: "Мбаппе билан ўйнашни орзу қилардим" "Реал" ҳужумчиси Винисиус Жуниор жамоадоши Килиан Мбаппе ҳақида ҳурмат билан фикр билдирди. "Мен унинг катта мухлиси ман. Унга кўп хабарлар ёзганман, чунки у билан бирга ўйнашни орзу қилганман. У чиндан ҳам буюк футболчи. Биз бир-биримизни кўпдан бери ҳурмат қилиб келамиз. Бизда ажойиб жамоа бор, ҳамма бир-бирини яхши кўради, ҳеч ким ғурурга берилмайди. Биз "Реал"ни ўзининг ҳақиқий жойи – чўққига олиб чиқиш учун шу ердамиз," – деди "Реал"нинг вингери. Манба: sports.ru