"Байер" 21 ўйиндан бери мағлубиятга учрамаяпти

"Байер" август ойи охиридан бери Бундеслигада мағлуб бўлмади.
Бугун Хаби Алонсо шогирдлари Германия чемпионатининг 23-турида "Хольштайн Киль"ни меҳмонда мағлуб этишди (2:0).
"Байер"нинг Бундеслиганинг жорий мавсумидаги ягона мағлубияти 31 август куни "Лейпциг"га қарши ўйинда (2:3) қайд этилганди. Ўшандан бери леверкузенликлар чемпионатда қаторасига 21 ўйинда мағлуб бўлмаган - жамоа 13 марта ғалаба қозонган ва 8 марта дуранг ўйнаган.
Бундеслиганинг навбатдаги турида "Байер" "Айнтрахт" билан учрашади. 23-турдан сўнг жамоа Бундеслигада бир ўйини бор "Бавария"дан 5 очко ортда қолиб, 2-ўринда бормоқда.