Маскерано Мессининг МЛС машҳурлигига қўшган ҳиссасини қайд этди

"Интер Майами" бош мураббийи Хавьер Маскерано Лионель Мессининг клуб ва бутун лига машҳурлигига таъсирини қайд этди.
Флоридаликлар аргентиналик ҳужумчини 2023 йилнинг ёзида ўз сафига қўшиб олди. Маскерано жорий йил бошида жамоа бош мураббийи лавозимини эгаллади.
"Месси - улкан одам ва у аралашган ҳар бир нарса улкан бўлади. Унинг карьерасидаги ҳар бир қадам катта аҳамиятга эга, чунки у энг яхшиси. Америка лигаси унинг келишидан ақл бовар қилмайдиган фойда кўрди. Энди бутун дунё бизнинг лигамизни, клубимизни билади - бу Лео хизматларининг муҳим қисмидир," - дея мураббий сўзларини келтиради Inter Miami News Hub.