Предыдущая публикация
Анчелотти 1:1дан сўнг: «Футболчилар хафа, чунки улар ғалабага лойиқ ўйнашганини ҳис қилишмоқда»
«Реал» бош мураббийи Карло Анчелотти Ла Лига 23-туридан ўрин олган «Атлетико» (1:1) билан ўйиндан кейин ўз фикрларини билдирди.
«Иккинчи бўлимда ўйинни бутунлай бошқардик. Биринчи бўлим жуда секин ўтди. Пеналтидан урилган гол жамоага таъсир кўрсатди. Иккинчи бўлимда биз кенгроқ ўйнадик, Винисиус ва Родриго кўплаб хавфли вазиятларни яратишди
Жамоа яхши эди, ҳамма ўзини қурбон қилди, футболчилар жуда қийин баҳсда ўйнашди. «Атлетико» ҳимояланди ва қарши ҳужумларга чиқди. Улар ҳимояда жуда яхши эди. Чуамени аъло даражада ўйин ўтказди, биз ғалабага яқин эдик.
Жамоа хафа бўлди, чунки улар ғалабага лойиқ бўлганимизга ишонишади. Ғалаба қозонишимиз керак эди, аммо тиғиз тақвимли ҳафтадан кейин ҳам жадвалда етакчи эканлигимиздан хурсанд бўлишимиз керак.
Себаллос одатдагидек жуда яхши ҳаракат қилди, марказий ҳимоячилар ҳам яхши эди. Сешанба кунги ўйин олдидан жамоа қандай тикланишини кўришимиз керак.
«Манчестер Сити» билан ўйин режаси? Эҳтимол, бугунгидек бўлади. Биз 4 кишидан иборат икки чизиқ ҳосил қилдик. Бугун бизнинг дарвозамиз олдида пеналтидан бошқа вазият бўлганини эслолмайман», — дея италиялик мутахассиснинг сўзларини келтиради Marca.
Следующая публикация
Комментарии 3