Мбаппе «Реал» билан қўлга киритган икки соврини ҳақида: «Жамоа – ҳар доим барчасидан устун»

Килиан Мбаппе бу мавсумда «Реал» билан барча совринларни ютмоқчи эканлигини айтди.
Мадрид клуби куни кеча Мбаппе ҳисобни очган Қитъалараро кубоги финалида «Пачука»ни 3:0 ҳисобида мағлуб этиб, ушбу совринга эга чиқди.
«Реал» августда Европа Суперкубоги учун баҳсда «Аталанта»ни 2:0 ҳисобида мағлуб этган ва ўша баҳсда ҳам Килиан гол урганди.
«Футболда совринлар – энг асосийси. Совринларга эга чиқиш учун голлар муҳим, аммо жамоа – ҳар доим барчасидан устун. Биз жуда муҳим совринни қўлга киритдик. Қўлга киритиш мумкин бўлган 7 совриндан иккитасига эга чиқдик.
Орадаги танаффусдан қайтиб, Испания Суперкубогини ютишга ҳаракат қиламиз. Қолган совринлар ҳам жуда муҳим, лекин ҳозирги имкониятлардан фойдаланиш керак. Қолган бешта совринни қўлга киритиш учун ҳам ҳозиргидек ғалабага чанқоқ бўлишимиз лозим», – деди Мбаппе.