Չտխրե'ս հանկարծ, երբ գիշերվա ուշ ժամին, երբ ամբողջ քաղաքը քնած է, մահճակալիդ կողքին դրված փոքրիկ լուսամփոփի լղար լույսի ճառագայթներին ընկերակցի Նրա փոքրիկ օրորոցի ձայնը։ Նրա քունն ու հանգստությունը ամենակարևորն են աշխարհում...
🤱 Չհոգնե'ս հանկարծ, երբ առավոտ վաղ դեռ չերևացող արևի լղար լույսի ճառագայթներից լուսավորված սենյակումդ զրնգա Նրա լացի ձայնը ու կիսատ թողնի անուշ երազդ։ Ամենաանուշն ու իսկական երազը Նա է աշխարհում...
🤱 Չվհատվե'ս , եթե հացի պատառը կիսատ մնա բերանումդ, երբ լսես Նրա լացի ձայնը։ Նրա առողջությունն ամենաթանկն է աշխարհում...
🤱 Չնեղանա'ս նրանից, եթե առանց այն էլ թափվող մազերիցդ մի փունջ մնա Նրա նուրբ ու փամփլիկ մատների արանքում։
🤱 Չլացե'ս հանկարծ, եթե նայես հայելու մեջ ու տեսնես մի չխնամված, գզգզված մազերով ու անքուն օրերից կարմրած աչքերով մի կնոջ։Այո,դա դու ես...Ոչինչ,որ հիմա այդպես է։ Կարևոր է, որ տարիներ անց կհպարտանաս ու կուրախանաս ստեղծածդ գեղեցկությամբ...
🤱 Չտխրե'ս, չհոգնե'ս, չվհատվե'ս, չնեղանա'ս, չլացե'ս, որովհետև դու ՄԱՅՐ ես:
Աշխարհում ամենաանուշ, ամենանուրբ, ամենաանմեղ ու ամենաժպտերես էակի Մայրը, ում կյանք ես տվել ու ում կյանքի համար պատասխանատու ես... ♥
•Անի•
Присоединяйтесь к ОК, чтобы подписаться на группу и комментировать публикации.
Комментарии 3