Հետո ով էլ լինի՝ չափավորված ու հավաք սեր պիտի տա քեզ, որից ձանձրալի ոչինչ չկա, հավատա։
Եթե ամեն խոսքիդ հակադարձի, մի շտապիր վիճել հետը։ Նա երբեմն ճիշտ է ավելի, չափից ավելի ճիշտ։
Բայց և կլինեն բառեր, որոնց ուղիղ կիրառությունը կկործանի քեզ վերջնականապես։
Երբ ինքը քեզ ասի՝ «գնա», քայլ անգամ չանես, թեկուզ նրան ընդառաջ։ Համառ կանգնիր նույն տեղում, ու թող հասկանա ու ընդունի, որ միակ գնալուդ տեղը ինքն է որ կա։
Երբ քեզ կասի՝ «թքած ունեմ», համոզիր նրան ամենակարևորը՝ որ նա միշտ ունի քեզ, նույնիսկ այն րոպեներին, երբ կյանքը իր համար միևնույն է։
Երբ իր սենյակում փակվի, ու ամեն րոպեն վտանգավոր լռություն արձակի օդում, ամեն դեպքում կոտրիր դուռը։ Չէ՛, ինքն իր հետ ոչինչ չի անի, բայց քեզ գուցե այլևս երբեք տեսնել չուզենա, եթե չտեսնի այնտեղ, որտեղ պետք ես ամենաշատը՝ լռության մեջ։
Եթե նայես աչքերին, ու դրանք լցնի, քեզ մի մեղադրիր։ Ուժեղ գրկիր ու սեղմիր նրան սրտիդ։
Նա ավելի արագ կհանգստանա, երբ զգա՝ որքան անհանգիստ է զարկում սիրտդ իր համար։
Ու եթե քո իսկ պատճառով քեզանից թաքուն լացել ուզենա, մի թող։ Ամեն թափվող արցունքի հետ ինձ պիտի հիշի ու ամեն չսրբածս արցունքի համար քեզանից պիտի պատասխան պահանջի հետո։
Վտանգավոր է սիրել արդեն սիրել իմացողին, եթե պատրաստ չես սրտի ծակոցների, կանգ առ հիմա։
Ի վերջո՝ վարդ մի սիրիր, չի ծակի։
Վայրի չի, վայրենի է, բայց փոխել նրան չփորձես։
Մեկ անգամ իմ պատճառով նա արդեն փոխվել է...ու ընտրել է Քեզ։
Չսխալվես, ոնց ես։»...
… ուզում եմ մոտենալ ու ասել քեզ էս ամենը. լավ տղա ես երևում։
Ասել՝ ինչ պիտի անես, որ նա մնա։ Որ չհոգնի անվերջանալի նվիրումից ու աչքերում նրա սերը չսպառվի։
Բայց իմ այլընտրանքային էգոն ուզում է, որ նա երբեք էլ քոնը չլինի։
Իմ մեջ չմեռնող էգոիզմը ուզում է նայել երկուսիդ այսպես՝ հեռվում կանգնած։
Ինքը ինձ նկատեց հաստատ. էդ սիրտը չէր կարող չզգալ իմ ներկայությունը։ Ես էդ սրտի զարկերը հաշվել եմ արդեն…
Իսկ դուք էսօր անպայման վիճելու եք՝ թեթև լեզվակռիվ, ու ինքը փակվելու ա սենյակում։
Իհարկե, դու չես ջարդելու դուռը ու հանգիստ նստելու ես հեռու։
Մինչև դու չես փորձի իրեն հասկանալ, ինքը կհասկանա, որ քեզանով առաջվա պես էլ չի հիանում։
Բայց կորոշի չհամեմատել քեզ իմ հետ ու դուրս կգա սենյակից, դու կնայես աչքերին, կլցնի դրանք։
Եվ դու իհարկե գրկելու փոխարեն կասես՝ «զզվել եմ էս լացիցդ», ու ինքը կհասկանա, որ մեկ անգամ էլ սխալվեց։
Կասի՝ «գնա»։
Դու քայլ կդնես առաջ, նա կշրջվի քեզ մեջքով ու կասի՝ «թքած ունեմ արդեն»։
Եվ դու դուրս կգաս տանից՝ առանց մտածելու։
Ինքը երկար կլացի։
Ամեն արցունքի հետ ինձ կհիշի ու ժամանակին ամեն չսրբածս արցունքի համար էսօր հենց դու պատասխան կտաս։
Վտանգավոր ա սիրել արդեն սիրել իմացողին. նրանք անհանդուրժող են կրկնակի։
Եթե պատրաստ չես սրտի ծակոցների, կանգ առ հիմա.
վարդ չսիրես՝ չի ծակի։
•Անի•
-Սյու Դալյան
Присоединяйтесь к ОК, чтобы подписаться на группу и комментировать публикации.
Комментарии 5
ԱՅՍՏԵՂ ԱՍՎԱԾ, ԵՎ ՇԱՏ ՏԵՂԻՆ։
ՊԵՏՔ Է ՍՈՎՈՐԵԼ ԱՅՍ ԱՄԵՆԸ՝
ԿՅԱՆՔՈՒՄ ԱՅՆ ՇԱՏ ՊԵՏՔ ԿԳԱՆ,
ՈՐ ԱՊՐԵԼ ՃԻՇՏ ԿՅԱՆՔՈՎ ՈՒ
ՈՒՂԻՂ ԵՎ ՀԱՐԹ ԱՆՑՆԵԼ ԿՅԱՆ-
ՔԻ ՈՒՂԻՆ։