կարդա սա. 😇
Բժիշկ Մարկը հայտնի ուռուցքաբան էր: Այդ օրը նա շտապում էր մասնակցել մի կոնֆերանսի, որտեղ նրան պիտի պարգևատրեին բժշկության ոլորտում արժեքավոր իր հետազոտությունների համար: Նա շատ հուզված էր, քանի որ եկել էր ժամանակը` ըստ արժանվույն գնահատվելու: Նա ժամանակին հասավ օդանավակայան և ինքնաթիռ նստեց: Ինքնաթիռն օդ բարձրացավ, սակայն 10 րոպե անց վթարային վայրէջք կատարեց: Բժիշկը որոշեց ժամանակ չկորցնել և մեքենա վարձեց, որպեսզի շտապ տեղ հասնի:
Ճանապարհին ուժեղ անձև սկսվեց և բժիշկը երկու ժամ ճանապարհ գնալուց հետո հասկացավ, որ մոլորվել է: Նա շփոթված էր ու սարսափելի հոգնած:
Նրան մնում էր միայն հանգրվանելու տեղ գտնել: Որոշ ժամանակ անց նա նկատեց մի խարխլված տնակ:
Հուսահատված դուրս եկավ ավտոմեքենայից և թակեց դուռը: Դուռը բացեց մի կին: Բժիշկը բացատրեց տեղի ունեցածը և խնդրեց թույլ տալ օգտվել հեռախոսից, սակայն կինն ասաց, որ տանը հեռախոս չունեն, բայց առաջարկեց ներս մտնել: Նրան թեյ հյուրասիրեց և առանձնացավ սենյակի մութ անկյունում, որտեղ մոմ էր վառվում: Բժիշկը նկատեց, որ կինը մոտեցավ մի մանկական մահճակալի, նստեց ու սկսեց աղոթել: Բժիշկը հասկացավ, որ կինն օգնության կարիք ունի և հարցրեց նրան, թե ինչու է աղթում: Կինը տխուր ժպտաց և ասաց, որ իր երեխան տառապում է քաղցկեղի հազվագյուտ տեսակով և միայն մեկ բժիշկ կա Մարկ անունով, ով կարող է օգնել իր երեխային, բայց ինքը գումար չունի, որպեսզի երեխային հասցնի այն քաղաքը, որտեղ այդ բժիշկն է:
Կինն ասաց, որ Աստված դեռ չի լսել իր աղոթքները, բայց համոզված է, որ մի օր իր աղոթքը կհասնի Աստծուն և նա կօգնի իրեն: Շփոթված բժիշկը, որ կորցրել էր խոսելու ունակությունը, լաց եղավ: Նա մրմնջաց` Աստված մեծ է և հիշեց այն ամենը, ինչ տեղի էր ունեցել այդ օրը. ինքնաթիռի անսարքությունը, հորդառատ անձևը, որի պատճառով նա կորցրել էր ճանապարհը և հայտնվել այդ տնակում: Նա հասկացավ, որ այդ ամենը տեղի էր ունեցել, որովհետև Աստված լսել էր կնոջ աղոթքը...
Միշտ պատրաստ եղեք անել այն, ինչ Աստված պատրաստել է ձեզ համար: Կյանքում պատահականություններ չեն լինում:
Հ. Գ. Տերը մեզանից յուրաքանչյուրի աղոթքներին պատասխանում է, միայն թե մենք դա պետք է նկատենք, հասկանանք, ընդունենք և անպայման երախտապարտ լինենք:
🤗🤗🤗
Անի Քոչար ֆեյսբուքյան էջից։
Присоединяйтесь к ОК, чтобы подписаться на группу и комментировать публикации.
Комментарии 26