Предыдущая публикация
Таржимон ва нашрга тайёрловчи:
Ахмад Солих
ИХЛОС ХАКИДА ТУШУНЧА
"Ихлос" калимаси араб тилидаги "ахласа" феълининг масдари (иш-харакат номи) бўлиб, лугатда "бирон кишига нисбатан самимий, холис, содик бўлиш", деган маънони ифодалайди. Шариат истилохида эса у "Аллох Таъолога нисбатан холис, содик бўлиш, барча амалларни холис Унинг Ўзи учун килиш" маъносини англатади.
Дархакикат, ихлос Ислом динининг асл мохиятидирки, хар бир яхши амал унинг устига барпо килинади. Одам саллаллоху алайхи ва салламдан тортиб, то Киёматгача келадиган барча одамзот сўз ва амалда ихлос килишга буюрилгандир. Ким ихлосни махкам ушласа — нажот топади. Ким уни зое килса — халокатга юз тутади. Зеро, амалнинг кабул бўлиш ёки бўлмаслиги, унга мукофот ёки жазо берилиши ўша амалда ихлоснинг мавжуд ёки мавжуд эмаслиги эътибори билан бўлади.
Аллох Таъоло биздан аввал ўтган кавмларни хам ихлосга буюрганини эслатиб, шундай деди:
"...Холбуки улар факат ягона Аллохга, У зот учун динни холис тутган ва тўгри йўлдан огмаган холларида ибодат килишга ва намозни барпо килишга хамда закотни ато этишга буюрилган эдилар". [ ]
Ўзини Аллохга ихлос билан таслим килган мўминнинг дини энг гўзал дин эканини таърифлаб, яна бундай деди:
"Мухсин (мухлис) бўлган холида юзини Аллохга таслим килган кишидан хам кўра дини гўзалрок ким бор?". [ ]
Абу Хурайра разияллоху анхудан ривоят килинади. У зот: "Пайгамбар саллаллоху алайхи ва салламдан куйидагиларни эшитганман", дейдилар:
"Аллох Таборака ва Таъоло айтди: "Мен шерикларнинг шерикликдан энг бехожат бўлганидирман. Ким бирон амал килиб, унда Менга бошкани шерик килса, Мен уни шерик килган нарсаси билан бирга ташлаб кўюрман". [ ]
Пайгамбар саллаллоху алайхи ва саллам дедилар:
"Ким Аллохнинг юзини истаб ўрганиладиган илмни факат бирон дунёвий нарсага етишиш максадида ўрганса, Киёмат куни жаннатнинг хидини хам топмайди". [ ]
Аллох Таъоло амалларни холислик билан киладиган бандаларига — гарчи уларнинг амаллари четдан караганда арзимас ва оз бўлиб кўринса хам — ажр-мукофотни катта килиб беради. Шунингдек, Аллох уларнинг — гарчи хатолари зохиридан катта ва йирик бўлиб кўринса-да — гунохларини кечиради.
Шайхул-Ислом Ибн Таймийя рахимахуллох айтадилар:
"Аллох Таъоло томонидан катта гунохларнинг хам кечиб юборилишига сабаб бўладиган ягона амал Аллох Таъоло учун холис, факат Унинг Ўзигагина куллик килган холда бажарилган амалдир".
Бу сўзларга исбот ўларок Суннати шарифада етарлича хадислар мавжуд. Шулардан бири йўлдан одамларга озор берувчи нарсани холис Аллох учун олиб ташлаган ва шу туфайли гунохи кечирилган киши хакидаги хадисдир. Яна бири сувга етиша олмаётган чанкок итни сувга кондирган ва шу сабабли гунохи кечирилган фохиша аёл хакидаги хадисдир. Бу хадис хусусида Ибн Таймийя шундай деганлар:
"Бу аёл калбида соф иймонни саклаган холда итни сувга кондирди, шунинг учун унинг гунохи кечирилди. Агар шундай бўлмаганида, (яъни амалларда ихлос шарт килинмаганда-тарж.) унда итни сув билан сугорган хар кандай фохишанинг хам гунохи кечирилган бўлар эди...".
Шундай килиб, бир амалнинг бошка амалдан афзаллиги унинг катта ёки кичиклигига караб эмас, балки шу амал сохибининг калбида сакланадиган иймон ва ихлоснинг кай даражада эканига караб белгиланар экан. Зеро, амал суратдир, ихлос эса унинг рухидир. Одамзот рухи билан тирик саналганидек, амал хам ихлоси билан тирикдир. Шайх Дувайш айтадилар: "Агар амалларда ихлос килмасанг, ўзингни чарчатиб ўтирма. Ихлос дарахтининг илдизи мустахкамдир, риё дарахтининг илдизи эса кўпориб ташлангандир". Дархакикат, агар дарахтнинг илдизи мустахкам бўлса, унинг танаси канчалик кесилиб-киркилиб ташланмасин, барибир ўсишда, ривожланишда давом этаверади ва агар унинг илдизи кўпориб ташланган бўлса, унда унинг тезда куришини кутавер!
Ихлоссиз килинган хар кандай амал — гарчи у Исломда энг юксак амал хисобланган бўлса хам — бирон кийматга эга бўлмайди, у учун бирон мукофот берилмайди, балки аксинча, шу амал сохиби азобга дучор бўлиши мумкин. Наузу биллах.
Мана шу маъно Абу Хурайра разияллоху анхунинг Пайгамбар саллаллоху алайхи ва салламдан ривоят килган машхур хадисларида хам ўз аксини топган:
"Киёмат куни одамлар ичида энг аввал такдири хал килинадиган киши шахид одам бўлади. Уни олиб келинади ва Аллох унга Ўз неъматларини эслатади. Банда уларни тан олади. Сўнг, Аллох: "Уларнинг шукронасига нима амал килдинг?"- деб сўрайди. У банда: "То шахид бўлгунимга кадар Сен учун урушдим",- деб жавоб беради. Шунда Аллох: "Ёлгон айтаяпсан, лекин сен одамлар сени "жасур" дейишлари учун урушдинг ва дархакикат, одамлар шундай хам дейишди",- дейди. Сўнг буйрук берилади - уни дўзахга ташлаш учун юзтубан ерга судраб, олиб кетилади.
Кейин илм ўрганган ва уни ўргатган, хамда Куръон ўкиган кишини олиб келинади. Аллох унга хам Ўз неъматларини эслатади. У банда уларни тан олади. Сўнг Аллох: "Буларнинг шукронасига нима амал килдинг?"- деб сўрайди. Банда: "Сен учун илм ўргандим, уни бошкаларга ўргатдим ва Куръон ўкидим",- деб жавоб беради. Аллох: "Алдаяпсан, сен илмни одамлар "илмли", дейишлари учун ўргандинг, Куръонни эса одамлар "кори", дейишлари учун ўкидинг, дархакикат, одамлар шундай хам дейишди",- дейди. Шундан сўнг буйрук берилади - уни дўзахга ташлаш учун юзтубан ерга судраб, олиб кетилади.
Шундан кейин Аллох унга ризкини кенг килиб берган, бойликнинг хамма туридан инъом килган кишини олиб келинади. Аллох унга хам Ўз неъматларини танитади. Банда уларни тан олади. Сўнг Аллох: "Буларнинг шукронасига сен нима амал килдинг?"- деб сўрайди. "Мол-давлатни Сен хуш кўрган бирон йўлни колдирмай, хаммасига Сен учун сарф килдим",- дейди у. "Ёлгон айтаяпсан, лекин сен бу ишни одамлар сени "сахий", деб айтишлари учун килгансан, дархакикат, одамлар шундай хам дейишди",- дейди Аллох. Сўнг буйрук берилади - уни дўзахга улоктириш учун юзи билан ерга судраб олиб кетилади". [ ]
ИХЛОСНИНГ ТАЪРИФИ ВА УНИНГ ЧЕГАРАЛАРИ
Ихлоснинг таърифи ва унинг чегаралари борасида тўхталадиган бўлсак, айтиш мумкинки, уламолар бу борада турлича фикр билдиришган. Айрим олимлар ихлосни: "Диний бурчларни факат холис Аллох Таъоло учун килишдир",- деб тушунтиришган. Айрим олимлар эса: "Ихлос бу амалларни одамларнинг назаридан олиб кочишдир",- деб айтишган.
Ал-Харавий: "Ихлос бу амалларни хар кандай ташки аралашмалардан халос килишдир",- деб таъриф берганлар.
Яна бир олим эса: "Мухлис (амалларни холис килувчи) киши, бошкаларнинг калбида унинг эътибори бор ёки йўклигига заррача хам ахамият каратмайдиган одамдир. Унинг калби Аллох азза ва жалла олдида такволи бўлиб бўлган. Шунинг учун у хатто энг арзимас амалларини хам одамлар билишини истамайди",- деганлар.
Шак-шубха йўкки, тўлик ихлосга эришиш учун бутун куч-гайратни ишга солмок керак. Ривоят килинадики, бир куни Сахл ибн Абдуллох ат-Тустарийдан: "Калб учун энг машаккатли нарса нимадир?"- деб савол беришганда, у зот: "У ихлосдир, чунки унда калб хохиши учун хеч кандай улуш колмайди",- деган эканлар.
Суфён ас-Саврий эса: "Ниятимдан кўра кийинрок бирон нарсани муолажа килмадим, зеро, у тез ўзгариб турувчидир",- деганлар.
РИЁГА ИНТИЛИШНИНГ НОЗИК ВА МАХФИЙ ТОМОНЛАРИ
Билгинки, Пайгамбар саллаллоху алайхи ва саллам умматлари учун энг кўрккан нарсалари риё ва унинг маъносидаги нарсалар бўлган. Бунга у зотнинг куйидаги хадислари яккол мисолдир. "Мен сизлар учун энг кўркадиган нарса бу кичик ширкдир",- дедилар Расулуллох соллаллоху алайхи ва саллам. "Кичик ширк нимадир?"- деб сўрашди сахобалар. Шунда у зот: "У риёдир",- дедилар. [ ]
Ихлосга зид келадиган нарсалар жумласига риёга интилиш, бу дунёни, шухрат ёки шон-шарафни яхши кўриш ва хурматталаб-иззатталаб бўлиш киради.
Бу ерда "риёга интилиш", деганда Аллохга факат одамлар кўрсинлар ва ибодатгўй сифатида мактасинлар учун ибодат килиш назарда тутилади. Одатда бундай киши бошка одамлар томонидан улугланиши билан шухрати ёйилишига интилади ёки унинг ибодатини кўриб турган одамнинг калбида кандайдир бир хис-туйгу пайдо килишни ёхуд кўркув хиссини уйготишни хохлайди.
"Шон-шухратни яхши кўриш"га келсак, унинг маъноси Аллох Таъолога ибодат турларини факат одамлар эшитиб кўйсинлар учун, эътибор килсинлар учун килишдир.
"Хурматталаб бўлиш" эса риёга интилиш билан чамбарчас богликдир, улар орасидаги фаркни Шайхул-Ислом Ибн Таймийя шундай тушунтирадилар:
"Бирон-бир амални риё учун килиш ширкнинг шундай турига тааллуклики, бунда киши ўз амалларини нафакат Аллох Таъоло учун, балки одамлар учун хам килади. Хурматталаб бўлиш эса ширкнинг шундай турига тааллуклики, унда киши ўз амалларини нафакат Аллох Таъоло учун, балки ўз нафсини юксалтириш учун хам килади". [ ]
Хозир эса эй биродарим, сенга риёга интилишнинг нозик кўринишлари ва махфий томонларига оид бир неча мисоллар келтираман. Гап бу ерда баъзи мисоллар хакида боради, чунки ихлосга зид нарсалар хакида узокдан-узок гапириш мумкин. Куйида риёга интилишнинг уч нозик жихатини келтириш бошкаларини билишда сенга кифоя килади.
Биринчиси: Бу Абу Хомид ал-Газзолий "Ихяу улумид-дин" китобларида зикр килиб ўтган жихатдир. У зот риёга интилишнинг махфий жихатлари хакида гапира туриб, шундай деганлар:
"...Мана шу ширк туридан хам махфийрок жихат борлигига кишининг шундай амали ишора киладики, у ўзининг диний вожиботларини хеч кимга билдирмай махфий килади ва солих амалларини бошкалар билиб колишини истамайди, лекин шу билан бирга у одамларни кўрганда одамлар унга биринчи бўлиб салом беришларини, уни хушмуомалалик билан кутиб олишларини, эхтиёжини кондиришларини, хурмат килишларини, мактовли сўз айтишларини, савдо-сотик ишларида ёнберишларини ва унга жой беришларини ич-ичидан хохлайди. Агар кимдир шундай килмаса, буни ўзига огир олади. У худди махфий амаллари учун эхтиром талаб килаётгандек бу ишни (одамларнинг унга нисбатан эътиборсизлигини-тарж.) амри махол деб хисоблайди... Гарчи ибодатларни килиш уларни килмаслик билан баробар бўлмаса-да, у бу махфий ибодатлари Аллохнинг Ўзига маълум эканидан коникмайди. Бу шуни англатадики, бундай кимса риёга бўлган интилишнинг махфий ва нозик аралашмаларидан холи эмас. Буларнинг хаммаси банданинг ўз савобидан осонгина махрум бўлишига олиб келади. Бундан факат содикларгина холидирлар". [ ]
Иккинчиси: Бу Аллохга нисбатан бўлган ихлосни бирдан-бир максад эмас, балки дунёвий бирон-бир нарсага етишиш учун восита сифатида кўришлик. Шайхул-Ислом Ибн Таймийя бу махфий офатдан огохлантириб, шундай деганлар:
"Айтишларича, Абу Хомид ал-Газзолийга кимдир: "Агар киши 40 кун мобайнида амалларни холис Аллох учун килса, унинг калбидаги хикмат чашмалари тилига отилиб чикади",- дебди. Абу Хомид айтадилар: "Буни эшитиб мен 40 кун мобайнида Аллохга нисбатан ихлосни сакладим, лекин бу билан бирон натижага эришмадим. Кейин буни бир ориф одамга айтиб берганимда, у зот: "Чунки сиз ихлосни ёлгиз Аллох учун эмас, балки хикмат отилиб чикиши учун килгансиз",- деб жавоб берди".
Сўнг Ибн Таймийя ёзадилар:
"Бунинг сабаби шуки, гохо кишининг амалдан кўзлаган максади илм ва хикматни хосил килиш ёки кароматга етишиш ёки одамлар хурматига сазовор бўлиш ва уларнинг мактовларини эшитиш ёки факат Аллохга ихлос килиш туфайлигина етишиш мумкин бўлган бошка бир нарсани хосил килиш бўлиши мумкин. Лекин билмок керакки, бу нарсаларга эришишга ихлос воситасида интилиш айни шу воситага зиддир. Чунки агар киши бирон-бир нарсани бошка нарсага етишиш учун восита килса, унда унинг кўзлаган максади кейингиси бўлиб колади, биринчиси эса факат бунга етишиш воситаси бўлиб колади. Шундай экан, ким илм, маърифат, хикмат, кароматга етишиш учун ёки бирон-бир нарсани тасарруф этиш имкониятини хосил килиш учун Аллохга нисбатан холисликни сакласа, унда бу холат кишининг Аллохга интилмаётганини, балки Аллохни кандайдир бир хакир максадга эришиш учун восита килаётганини англатади". [ ]
Шунинг учун хам Аш-Шотибий рахимахуллох бундай деганлар:
"Агар лаёкатли киши бу ёки у масаладаги буйрук ёки кайтарикка, шу буйрук ёки кайтарикдан ўзга нарсага эътибор бермай бўйсунса, у холда бундан ўша киши ўз улушидан бош тортиб, Парвардигори олдидаги мажбуриятларига киришди ва ўзини хакикий кул сингари тутадиган бўлди, деган маъно чикади. Агар иш бунинг акси бўлса, яъни киши буйрук ёки кайтарикнинг натижасига эътибор каратиб, уни эътиборга оладиган бўлса, унда унинг саъй-харакати охирги натижа томон йўналтирилган бўлиб колади. Бошкача айтганда, унинг ўз Парвардигорига нисбатан муносабати сабаб-натижа билан шарт килинган бўлади... Шак-шубха йўкки, бу икки ихлос даражаси орасида катта фарк бордир". [ ]
Учинчиси: Риёга интилишнинг яна бир нозик жихатига Ибн Ражаб Ал-Ханбалий рахимахуллох куйидаги сўзларида ишора килиб ўтганлар:
"... Лекин бу ерда бир нозик нукта бор, унинг мохияти шундан иборатки, киши одамларда унга нисбатан "Ичдан тавозеълик-камтарликка риоя килади", деган фикр пайдо бўлиши учун ўзини улар хузурида тергаб-койиши, камситиши мумкин, бунинг натижасида у одамлар назарида юксалади ва улар уни мактай бошлашади. Бу ўша одамда риёга бўлган интилишнинг нозик кўриниши борлигига далолат килади. Мана шунга салафлар каттик эътибор каратишган. Мисол учун Мутриф бин Абдуллох аш-Шиххир шундай деганлар: "Нафсингни юксалтиришинг учун уни зийнатлаш максадида хамманинг олдида тергаб-койишинг кифоя киладики, бу Аллох наздида бехаёлик хисобланади"".
РИЁГА ИНТИЛИШНИ ДАВОЛАШ
Хар кандай касалликнинг даволаш йўллари бор. Буни баъзилар билади, баъзилар эса билмайди. Риёга интилиш каби ихлосга зид касалликлар учун хам турли муолажалар мавжуддир. Бундай муолажалар каторига куйидагиларни киритиш мумкин:
1. Хар бир мукаллаф мусулмон шуни яхши англаб етмоги керакки, у Аллохга нисбатан факат кулдир, ундан ўзга эмас. Кул хўжайинига хизмат килгани учун товон-бадал ёки хак олишга хеч кандай хукукка эга эмас. Чунки у хўжайинига ўзининг холати сабабидан хизмат килиши лозимдир. Хизмати учун олиши мумкин бўлган хак ёки мукофот товон-бадал эмас, балки хўжайини томонидан бўлган илтифот ва мурувват хисобланади.
2. Аллох унга мархамат ва ёрдам бераётганини, у бирон нарсани ўзича эмас, балки Аллохнинг тавфики-ёрдами ила кила олишини, унинг амаллари ўзининг хохиш-истакларига эмас, балки Аллохнинг хохишига боглик эканини тушуниб етиш. Зеро, хар бир неъмат Аллох Субханаху ва Таъолонинг мархаматидан ўзга нарса эмас.
3. Ўзининг шахсий камчилик ва хатоларини ўрганиш, кайси иш ўзидан ва кайсиниси шайтон томонидан содир бўлаётганини тушунишга харакат килиш. Чунки шайтон кўли тегмаган иш жуда кам. Шайтон хатто арзимас саналган ишларга хам аралашади. Оиша разияллоху анхо айтадилар: Мен Расуллуллох соллаллоху алайхи ва салламдан намоз вактида бурилиш (аланглаш) хакида сўрадим, шунда у зот: "Бу шайтоннинг банда намозидан ўгирлайдиган ўлжасидир",- деб айтдилар.
Гап бу ерда жасаднинг бурилиши хакида кетаяпти. Энди калбнинг Аллохдан ўзгага юзланиши хакида нима дейиш мумкин?!. [ ]
4. Аллох камолотга ва калбни поклашга буюрганини хамда амалларни бошкаларга риё килаётган кимса Аллохнинг ёрдами ва иноятидан махрум бўлишини нафсга эслатиш.
5. Риё сабабли амаллар савоби — улар канчалик катта бўлмасин — ювилиб кетишини ва агар амал фарзлардан бўлса, бунга кўшимча тарзда улкан гунох ёзилишини эслаш.
Риё килувчининг риёси «масжиди зирорни» ташландик, харобага айлантирди. Мухлиснинг ихлоси эса соч-соколи тўзиган, жулдур кийинган кимсанинг кадр-мартабасини оширди, дуо килса дархол кабул бўладиган килиб кўйди.
(Масжиди зирор - мунофиклар томонидан мусулмонларни фитнага солиш учун махсус курилган, хамда Аллох Таъоло томонидан бузиб ташлашга буюрилган зарарли масжиддир).
6. Калб риёга интилаётганини кўрганида, Аллохнинг газаби келишидан кўркиб туриш.
7. Нафл ибодатларни иложи борича махфий килишга интилиш, масалан уларни кечалари килиш, садакани хеч ким билмайдиган даражада бериш, Аллохдан кўркиб йиглашни якка ўзи колганда, хеч ким пайкамайдиган пайтда килиш.
Ал-Хурайбий айтадилар: "Сахобалар солих амалларини одамлар тугул, хатто аёли хам билмайдиган даражада махфий килишни афзал санашар эди".
8. Ўлим ва унинг огир лахзаларини, кабр ва унинг дахшатини, хатто ёш болаларни хам каритиб юборадиган Охират кунини эсга олиш.
9. Риёга интилишнинг махфий томонларини ва бу интилиш инсон калбида кандай шаклланишини билишга харакат килиш.
10. Риё килиш бу дунё-ю, у дунёда кандай окибатларга олиб келишини тушуниш.
Аллохнинг бандаси шуни яхши тушуниши керакки, агар барча одамлар унга бирон манфаат етказиш учун тўплансалар, у учун бирон манфаат етказа олмайдилар, факат Аллох ёзиб кўйган нарсанигина етказа оладилар. Зеро, фойда ва зарар факат Рахмоннинг хохиши ва кўлидадир.
Салафлардан бири айтадилар: "Калбдан риёга ундайдиган хар кандай нарсани чикариб ташлаш учун калбинг билан кураш, одамлар сенинг назарингда гўё жонивор ёки ёш бола сифатида намоён бўлсинлар, зеро, сен ибодат билан машгул бўлганингда, у ерда жонивор ёки ёш боланинг бор ёки йўклиги, уларнинг буни билиш ёки билмаслиги ахамиятсиздир. Ибодатларингни ёлгиз Аллох билиб турганлиги билан кифоялан".
Умар разияллоху анху дедилар: "Кимнинг нияти нафс хохишига карамай хак билан боглик турса, Аллох бундай кишини одамлардан химоялаб кўяди. Ким ўзини аслида унда мавжуд бўлмаган сифатлар билан зийнатлаб кўрсатишга харакат килса, Аллох уни бадном килади".
Амирул-мўминийннинг бу сўзларини Ибнул-Каййим шархлаб туриб, шундай деганлар: "Ўзини унда мавжуд бўлмаган нарса билан зийнатлаб кўрсатишга харакат киладиган киши мухлис одамнинг тескариси хисобланади. Бундай киши одамларга асл холатига тескари бўлган нарсани кўрсатишга интилади. Аллох бунга шу билан жавоб берадики, уни кўзлаётган максадига карама-карши бўлган ишни килишга олиб келади... Качон мухлис банда ихлоси учун бу дунёда одамлар калбидаги ёктириш, мухаббат ва хурмат кўринишидаги мукофотни олса, бу мукофот ўзида йўк сифатлар билан нафсини зийнатлаб кўрсатишга интиладиган кишига хам етиши мумкин. Шунинг учун Аллох уни шундай жазолайдики, хамманинг олдида бадном, шарманда килади. Зеро у ўзини Аллох олдида бадном, шарманда килиб бўлгандир...". [ ]
Амалларини риё киладиган кишининг бу дунё-ю у дунёда тортадиган жазоси хакида Набий соллаллоху алайхи ва саллам шундай дедилар: "Ким килаётган ишларини бошкаларга эшиттиришга харакат килса, Аллох унинг шармандасини чикаради, ким амалларини бошкаларга кўрсатишга харакат килса, Аллох уни шармандали холда кўрсатиб кўяди". [ ]
Бундан ташкари, Абу Хурайра разияллоху анхунинг юкорида ўтган хадисларидан хам маълум бўладики, амалларини хўжакўрсинга киладиган кишилар дўзахга биринчи бўлиб ташланар эканлар. Наузу биллах мин залик.
11. Аллох кишининг мухлис бўлишига ёрдам бериши хамда уни риёга интилишдан саклаши учун Унга дуо билан юзланиш зарур. Бунинг маъноси мусулмон киши Аллохдан риё ва унга ундайдиган нарсалардан саклашини тез-тез дуо билан сўраб турмоги лозим. Акс холда риёдан саломат колишига хечам ишонч йўкдир. Бундай дуонинг зарур эканига Пайгамбар саллаллоху алайхи ва саллам куйидаги хадисларида ишора килиб ўтганлар: "Сизлардаги ширк ўрмалаб кетаётган чумолидан хам кўра махфийрок, сезилмайдиганрокдир. Лекин мен сизларни шундай нарсага йўллаб кўяманки, агар уни килсангиз, ширкнинг кичиги-ю каттаси сиздан кетади. Шундай дейсиз: "Аллохумма инний аъузу бика ан-ушрика бика ва ана аъламу ва астагфирука лима ла аъламу". (Маъноси: Эй Аллох, мен Сендан Сенга ширк келтиришимдан панох беришингни сўрайман ва Сендан билмаган нарсам учун магфират тилайман"). [ ]
САЛАФИ СОЛИХЛАРНИНГ ИХЛОС БОРАСИДАГИ СЎЗ ВА АМАЛЛАРИДАН БАЪЗИ НАМУНАЛАР
Рабиъ ибн Хузайм айтганлар: "Кайси бир амалдан Аллохнинг юзи исталмаса, у куриб, йўк бўлиб кетгувчидир".
Имом Ахмад ўгилларига насихат кила туриб, шундай деганлар: "Эй ўгилчам, яхшиликни ният кил, зеро, агар сен яхшиликни ният килсанг, доим яхшиликда бўласан".
Айюб ас-Сихтиёний айтадилар: "Аллохга касамки, банда холати-фазилатининг бошкаларга билинмаслигидан хурсанд бўлсагина содик-мухлис бўлибди".
Бир киши Шакик ибн Иброхимдан: "Одамлар мени солих деб айтишади, солих ёки солих эмаслигимни кандай билсам бўлади?" — деб сўради. Шунда Шакик ибн Иброхим: "Яширин киладиган ишларингни солихларга ошкор кил. Агар улар ундан рози бўлишса, демак сен солихсан, бўлмаса солих эмассан", — дедилар.
Мухаммад ибн Юсуф ал-Асбахоний нонларини бир новвойдан сотиб олишга одатланмас эканлар. Бунинг сабаби сўралганда, у зот: "Эхтимол сизлар мени таниб колиб, хайбатланиб, нонни арзонрок килиб беришингиз мумкин, унда мен дини билан кун кўрадиганлардан бўлиб коламан", — деган эканлар.
Сурайя Рабиъ ибн Хузайм хакида айтадилар: "Рабиънинг барча амали махфий эди. Агар у зот хузурига бирон кимса келиб колса ва ўша вакт Мусхаф-Куръонни очиб кўйган бўлсалар, уни кўйлаклари билан бекитиб олар эдилар".
Иброхим ан-Нахаъий агар Мусхафдан бирон сура ўкиётган бўлсалар ва олдиларига бирон киши кириб колса, уни бекитиб, яшириб кўяр эдилар.
Абдуллох ибн Муборак газотга чиксалар, кимликлари билинмасин учун юзларини никоблаб олар эканлар. Абдуллох ибн Сулаймон айтадилар: "Мен никобнинг бир четини ушлаб, тортдим. Шунда у зот: "Эй Абу Амр! Сиз бизни уялтириб, шарманда киладиган кимсалардан экансиз", — дедилар".
Ибн Мухайриз кўйлак сотиб олиш истагида чака пул билан дўконга кирдилар. Шунда бир киши сотувчига караб: "Бу Ибн Мухайриз бўладилар, савдони чиройли килинг", — деди. Шунда Ибн Мухайриз савдони тўхтатиб, дўкондан чикиб кетдилар ва: "Биз факат пулларимиз билан сотиб оламиз, динимиз билан сотиб олувчи эмасмиз",- дедилар.
Халаф ибн Тамим айтадилар: "Мен Суфён ас-Саврийни Маккада кўрдим, у зот атрофларида хадис ўрганувчилар кўпайиб кетганида: “Инна-а лиллахи ва инна-а илайхи рожиу-у-н”, мен каби инсонга одамларнинг хожати тушгани сабаб Аллох бу Умматни йўк килиб юборишидан кўркаман", — дедилар".
Имом Ахмад айтадилар: "Бир киши Суфён ас-Саврийга у зотни тушида кўргани хакида айтганда, "Ўзингни кийнама, мен нафсимнинг кандайлигини туш кўрувчилардан кўра яхширок биламан", — деган эканлар".
Иброхим ан-Нахаъий айтадилар: "Килинган бир яхши амални гапирдим. Агар гапирмасликдан кутулиш йўлини топганимда эди, гапирмасдим. Кайси бир замонда мен Куфа факихи бўладиган бўлсам, демак ўша замон ёмон замондир".
Хасанул-Басрий айтадилар: "Бир киши бир ерда зикр килиб ўтирарди, качон кўз ёши келса, уни оркага кайтарарди. Агар кўз ёши чикиб кетишидан кўркса, туриб оларди".
Мухаммад ибн ал-Восиъ: "Агар гунохларимга хид берилганида эди, сизлар менга якин келолмаган бўлардингиз. Мен шундай кишиларни кўрдим, улардан бирлари ахли билан бир ёстикда ётарди. Кўз ёшидан чаккаси хўл бўлиб кетарди, аммо буни аёли хис килмасди. Яна шундай кишиларга етишдимки, улардан бири намозда бир сафда туриб йигларди, буни ёнида турган киши сезмасди" — дедилар.
Хассон ибн Синоннинг аёли айтади: "Хассон ибн Синон келиб тўшакка ётардилар, сўнг мени худди она ўз боласини алдаб ухлатганидек алдаб ухлатишга харакат килардилар. Агар ухлаганимни билсалар, секин тўшакдан сугурилиб чикиб, хонадан чикиб кетардилар. Сўнг намоз ўкишга турар эдилар".
Алий ибн Хусайн Зайнул-Обидийн рахимахуллох кечанинг энг охирги кисмида оркаларига бир коп нонни ортиб, уни одамларга махфий равишда улашиб чикар эдилар. Ул зот доимо: "Махфий килинган садака Аллох Азза ва Жалланинг газабини ўчирур", — дердилар. Мадина ахли айтадилар: "Биз махфий садакани Алий ибн Хусайн вафот этгунларига кадар йўкотмадик".
Амр ибн Кайс ал-Мулаий 20 йил нафл рўза тутдилар. Буни ахл-оилалари билмади. У зот нонушталарини олиб, тонг-ла дўконга кетардилар ва ўша таомни садака килиб юборардилар, буни оила аъзолари билмасди. Агар у зотга йиги келиб колса, юзларини деворга каратиб, шерикларига: "Шамоллаш кандай хам каттик-а",- дер эканлар. Кеч кирганда уйларига кайтардилар ва ахл-оилалари билан кечки овкатни-ифторни бирга килардилар.
ИХЛОСГА ОИД БАЪЗИ МАСАЛАЛАР
1. Амалларни махфий килиш хакида юкорида ўтган сўзлар одамлар олдида бутунлай амалларни тарк килиш лозим, деган маънони англатмайди. Амалларни махфий килиш калбнинг риёдан хотиржам бўлиши жихатидан афзалликка йўйилади. Киши амалларини одамлар мавжудлигида хам килавериши мумкин. Айникса у амаллар инсоннинг доимий килиб юрадиган ибодатлари бўлса, уни хар кандай холатда адо этиши жоиз. Факат бунда калбини риёдан каттик саклаши керак, одамларни жонивор ёхуд ёш бола сифатида эътиборсиз санаши керак (Бу одамларни камситишга кирмайди. Чуни у бу тасаввурни кибр билан эмас, балки риёдан сакланиш учун килмокда. Бу бандалар амал у учун килнаётган Оллох таоло олдида хакикатда хакир махлуклардир. Тахр). Мусулмон киши риёдан сакланиш билан амаллардан тўсувчи шайтон васвасаси орасини ажратиб олиши лозим, шунда у кўп яхшиликлардан ортда колиб кетмайди. Зеро, шайтон хам риё ва ундан кўркиш мавзусини ибодатдан тўсиш учун курол килиб олиши мумкин. Бирон яхши амал килмокчи бўлган одамга — хох у толиб илм, хох мударрис, хох ваъз айтувчи бўлсин — келиб, бу ишнинг риёга олиб боришини, агар тўхтамаса ширкка тушиб колишини васваса килиб, уни максадидан тўсиши эхтимол.
Имом Ибн ал-Жавзий айтадилар: "Иблис зийрак ваъз ўкувчини алдаб, унга: "Сен каби одам маъруза килмайди, панд-насихатни факат хушёр одамгина ўкийди",- деб, уни жим бўлишга ва маърузасидан тўхташга ундайди. Мана шу шайтоннинг хийла-найрангларидандир. Чунки у яхшилик килишдан тўсяпти... Баъзан у келиб: "Сен ўзинг келтираётган нарсаларинг (оят, хадислар) билан лаззатланаяпсан ва бундан рохат топаяпсан, эхтимол сўзингга риё кириб колгандир, бундан кўра одамлардан узок бўлишинг тинчрокдир",- дейди. Унинг бундан кўзлаган максади яхшилик эшигини ёпишдир". [ ]
Агар риё ёки "сумъа" (одамлар кўрсин ёки эшитсин, деган тушунча) бирон амални килишга ундаётган бўлса, ўша амалдан тўхташ зарур, аммо кимнинг холис бошланган амалига риё васвасаси аралашса, амални тарк килмай, бу васвасани бартараф этишга харакат килмок керак.
Демак, мусулмон киши калбидаги ниятини тўгрилаб, азму карорини мустахкамлаб, каерда бўлмасин одатий солих амалларини давом эттиравериши ва бунда шайтоннинг васвасасига учиб колмаслиги зарур. Лекин нафл амалларни одамлар кўзидан панада килишга одатланиши у учун авлорокдир.
2. Кўпинча шайтон солих кишига у хакда одамларнинг макташларини, илик сўз айтишларини риё сифатида келтиради. Шак-шубха йўкки, ким амалини одамлар мактови учун килса, бу риёдир. Бирок, ким амалини холис Аллох учун килса ва амалидан сўнг одамларнинг унга айтаётган мактовларидан озгина хурсанд бўлиб кўйса, бу ихлос хакикатига зид эмас.
Муслим ўз "Сахих"ларида Абу Зар разияллоху анхудан ривоят киладиларки, Расулуллох соллаллоху алайхи ва салламдан: "Яхшиликдан биронтасини килиб, сўнг одамлардан мактов эшитган кишининг амалини риё деб хисоблайсизми?"- деб сўрашганида, у зот: "Бу мўминлар учун олдиндан берилган хушхабардир", — дедилар.
3. Баъзан киши амалини холис Аллох учун бошлайди. Лекин ўша амал асносида калбига риё хиссиёти келади. Бунда унинг амали бекор бўлган ёки бўлмаганлиги борасида иккиланиб колади. Уламолар бу хакда турлича фикр билдирганлар. Бу борадаги фикрларнинг тўгриси шуки, агар киши шу холатда ўша риёга карши курашса, уни ёмон кўриб, калбидан чикариб ташлашга харакат килса, унинг амали бекор бўлмайди. Аммо ўша хаёлга рози бўлиб, шу фикрда амалини давом эттираверса, унда унинг амали бекор бўлади. Валлоху аълам.
4. Биз риёнинг ёмон иллат экани хакида гапирар эканмиз, масаланинг бошка томонларини хам назардан кочирмаслигимиз керак. Одамларни, айникса ёшларни ва Исломга янги кириб келаётганларни нафл ибодатларга рагбатлантириш, кизиктириш ва ўргатиш учун баъзан шу ибодатларни ошкора килиш махфий килишдан кўра афзалрок бўлади. Расулуллох соллаллоху алайхи ва саллам таълим учун нафл ибодатларини ахли аёллари олдида, баъзан сахобалар билан бирга адо килганлари, хамда баъзи салафлар нафл амалларни бошкаларга ошкора кўрсатиб килганлари бунга мисолдир.
Агар ибодат диндаги фарз ёки мухим таъкидланган суннатлардан бўлса, у холда уни таълим учун ошкора килиб кўрсатиш афзал, балки зарур бўлиши мумкин.
Аллох Таъоло "Бакара" сурасининг 271-оятида инфок-эхсон хакида сўз юритиб шундай дейди: "Агар садакаларни ошкора холда берсангиз, жуда хам яхши. Агар уларни махфий килсангиз ва факир-камбагалларга берсангиз, бу сизлар учун яна-да яхширокдир. Аллох гунохларингизни ўчирур. Аллох килаётган амалларингиздан жуда яхши хабардордир".
Бу оят хусусида Имом Багавий айтадилар:
"Айрим муфассирлар: "Бу оят нафл садакалар хусусидадир. Фарз килинган закотни эса одамлар эргашишлари учун ошкора бериш афзалдир. Бу худди фарз намозни жамоатда ўкиш, нафлни эса уйда ўкиш афзал бўлгани кабидир",- дейишган. Баъзилар эса: "Бу оят фарз килинган закот хусусидадир. Уни махфий бериш Расулуллох соллаллоху алайхи ва саллам замонларида яхширок бўлган. Бизнинг замонимизда эса ёмон гумонларни кетказиш учун уни ошкор килиб, кўрсатиб бериш афзалдир" — деганлар".
Риё бўлади, деб нафл амалларнинг хаммасини факат яширин килишга ўтиб кетиладиган бўлса, ёшларни нафл ибодатларга ўргатилмаса, бунинг ўзига яраша салбий натижалари хам бўлиши мумкин. Жумладан, фарзанд ёки шогирд нафл ибодат килаётганларни амалда кўрмаса, ибодатларга бўладиган таргиботлар курук ва хаёлий гапдан иборат бўлиб колади. Бу холда гўёки устоз ёки ота-она ўзи амал килмайдиган нарсага бошкаларни таргиб килгандек бўлиб колади. Демак, нафл амалларни одамларнинг кўзидан йирокда килиш риёдан холи бўлиши жихатидан афзал эканини таъкидлаш билан бирга уларни одамларнинг кўз олдида хам риёдан холи холда килишга ўрганишимиз ва ёшларга ўргатишимиз лозим. Зеро, бу хам дини Ислом йўлида килинадиган даъват ва тарбиядандир.
Сўзимиз охирида Аллох Таъолодан Ўзининг гўзал исмлари ва олий сифатлари билан риё ва унга ўхшаш ширк турларидан панох беришини сўраб коламиз.
Фойдаланилган асосий адабиётлар:
1. "Ат-тарбиятур-рухийя", "Ал-мифтах" - Шайх Дувайш;
2. "Адабу толибил-илм" - Шайх Карзон.
Следующая публикация
Нет комментариев