На мінулым тыдні Домжарыцкая сельская бібліятэка адзначыла сваё 70-годдзе!🎂🎊🎊🎊
У госці з віншаваннямі завітала кіраўніцтва ДУК "Лепельская ЦБС", а таксама бібліятэкары філіялаў.
Пасля экскурсіі па бібліятэцы для гасцей быў праведзены літаратурны квіз "З глыбінь стагоддзяў да сучаснасці: скарбы беларускай літаратуры". Удзельнікі актыўна адказвалі на пытанні па творчасці беларускіх пісьменнікаў, пазнавалі іх па вачах, з лёгкасцю разгадалі крыжаванку, узгадалі жыццёвы і творчы шлях першадрукара Францыска Скарыны і выканалі заданне пра самабытныя словы з рамана Івана Мележа "Людзі на балоце".
🎤🎹Музычнае суправаджэнне мерапрыемства забяспечвала Пракаповіч Алена Ўладзіміраўна - педагог дадатковай адукацыі ДУДА "Лепельскі раённы цэнтр дзяцей і моладзі" з маленькімі спявачкамі.
Шматлікія словы віншаванняў, падзякі і пажаданняў далейшага развіцця і поспехаў прагучалі ў гэты дзень ад дырэктара установы Мазго Алены Віктараўны і загадчыцы аддзела маркетынгу Шушкевіч Іны Аляксандраўны.
Пасля святочнага чаепіцця госці наведалі Музей прыроды Бярэзінскага біясфернага запаведніка.
Присоединяйтесь к ОК, чтобы подписаться на группу и комментировать публикации.
Комментарии 6