“Ләә хәүлә вә ләә куввәтә илләә билләәһил-галиййил-газыыйм” (“з” хәрефе сакау итеп укыла). Мәгънәсе: “Газиз һәм Хаким булган Аллаһыдан башка көч һәм куәт иясе юктыр”. Аллаһтан башка көч  куәт иясе юк" дип әйтүдән дә көчлерәк Кәлимә юктыр! "Әгәр бу Кәлимәнең нинди көчкә ия  икәнен белсәгез, Сезнең телләрегез бу кәлимәне әйтүдән кипмәс иде" дип хәбәр бирде Расүлебез ﷺ . “ЛӘӘ ХӘҮЛӘ ВӘ ЛӘӘ КУВВӘТӘ ИЛЛӘӘ БИЛЛӘӘҺИЛ-ГАЛИЙЙИЛ-ГАЗЫЫЙМ” ЗИКЕРЕНЕҢ ФАЙДАЛАРЫ: Пәйгамбәребез Мөхәммәд салләллаһу галәйһи вә сәлләм: “Берәү көненә 100 тапкыр “ләә хәүлә вә ләә куввәтә илләә билләәһил-галиййил-гаҙыыйм” сүзләрен әйтсә, ул кешегә фәкыйрьлек килмәс”, – дигән. "ЛӘӘ ХӘҮЛӘ ВӘ ЛӘӘ КУВВӘТӘ ИЛЛӘӘ БИЛЛӘӘҺИЛ-ГАЛИЙЙИЛ-ГАЗЫЫЙМ” СҮЗЛӘРЕНЕҢ ФАЗЫЙЛӘТЛӘРЕ: 1. Бу сүзләр нигъмәтләрне саклый. Пәйгамбәребез Мөхәммәд салләллаһу галәйһи вә сәлләм: “Аллаһыдан нигъмәтләр бирелүче аларны сакларга теләсә, күп тапкырлар “ләә хәүлә вә ләә куввәтә илләә билләәһил-галиййил-гаҙыыйм”, дип әйтсен”, – дигән. (имам Әт-Табәрани). 2. 99 авырудан шифа булып тора. Әбү Һөрайра радыяллаһу ганһе Пәйгамбәребез Мөхәммәд салләллаһу галәйһи вә сәлләмнең: “Берәү “ләә хәүлә вә ләә куввәтә илләә билләәһил-галиййил-гаҙыыйм” сүзләрен әйтсә, 99 авырудан, шуларның иң кечкенәсе булган борчу һәм тынычсызлыктан шифа табар”, – дигән сүзләрен тапшырган. (имам Әт-Табәрани, Хәким). 3. “Ләә хәүлә вә ләә куввәтә илләә билләәһил-галиййил-гаҙыыйм” – җәннәт ишекләре. Сәхабә Могаз бине Җәбәл радыяллаһу ганһедән тапшырыла: Расүлебез Мөхәммәд аннан: “Сиңа җәннәтнең ишекләрен күрсәтергәме?” – дип сораган. Ул: “Нинди ишекләр ул, йә Расүлуллаһ”, – дигән. Пәйгамбәребез: “Ләә хәүлә вә ләә куввәтә илләә билләәһил-галиййил-гаҙыыйм” сүзләре”, – дигән. (имам Әт-Табәрани).