ЭШЛӘР УҢСЫН ӨЧЕН КИРӘКЛЕ ДОГАЛАР. Бу дөньяда һәркем бәхеткә омтыла. Һәрберебезнең кайгы-хәсрәтсез, шатлыклы көннәр кичерәсе килә. Башланган һәр эшем уңышка китерсен, атлаган адымым хәерле булсын, дип мөселманнар шул максаттан догалар укый. Чөнки мөэминнәр өчен эшнең уңышлы төгәлләнүе генә түгел, аның нәтиҗәсе хәерле булуы һәм Аллаһның рәхмәтенә ирешүе дә мөһим. Нәрсә дә булса эшләргә ниятләгәнбез икән, Аллаһның ярдәмен сорасак, Аңа тәвәккәл кылсак, һичшиксез, эшләребез уңар. Чөнки мөселман кешесенең иң зур коралы ул – дога. 1) “Раббәнә әтинә мил-ләдүңкә рахмәтәүв-вә хәййиъ ләнә мин әмринә рашәдә. Раббишрах ли садри вә йәссир ли әмри. Рабби йәссир вә лә түгассир. Рабби тәммим бил-хайр!” Мәгънәсе: “Әй, Раббыбыз! Безгә Үзеңнән бер рәхмәт бир, эшебездә җиңеллек бир. Раббым, күкрәгемне ач, эшемне җиңеләйт, Раббым! Җиңеллек бир, авырлык бирмә, эшемне уңышлы тәмамла!” 2)“Аллаһүммә инни әсьәлүкә сыйххәтән вә гафийәтән вә гыйльмән нәфиган вә ризкан хәләлән таййибән вә гамәлән мәкъбүлән!” Мәгънәсе: “Әй, Аллаһ! Синнән исәнлек-саулык, файдалы гыйлем, хәләл ризык, кабул булачак гамәл һәм эш телимен!” Сез сораган дога! "Рәхмәт" дип язарга онытмасагыз, безнең тырышуы бушка тугеллеген аңлар идек