Ümüdün gözündə açılır danlar
Aman bu qəlbimi kimsə görməsin
Ovutmaz qəmini özgə limanlar
Mənim səndən ayrı gərəyimmi var?!
Özgəyə verməyə ürəyimmi var?!
De hansı ürəyə sıgınaram mən
Dəli duyğularda ümmanım sənsən
Qəlbimdə sən ilə qızınaram mən
Mənim son mənzilim unvanım sənsən
Sənsiz düşündüyüm diləyimmi var?!
Özgəyə verməyə ürəyimmi var?!
Yağışa bürünən bəniz kimiyəm
Qəhərin amansız dumanındayam
Mən sənsiz dalğasız dəniz kimiyəm
Sənli ruzigarlar gümanındayam
Yoxluğun içində dəyərimmi var?!
Özgəyə verməyə ürəyimmi var?!
Hər qəmdən payım var zülümlər gördüm
Hər ani həsrətlə yarıya böldüm
Divanə qəlbimdə soldu arzular
Xəzanı sovrulan payıza döndüm
Tər qönçə açılan çiçəyimmi var
Özgəyə verməyə ürəyimmi var?!
Присоединяйтесь к ОК, чтобы подписаться на группу и комментировать публикации.
Комментарии 1
Günbəgün qəlbimdən uzaqlaşırsan,
Səndən ümidimi üzmüşəm artıq.
Vəfa göstərmədin sevgim boyunca,
Mən bu cür sevməkdən bezmişəm artıq.
Bəlkə də qəlbində sən də sevirsən,
Bəlkə də qəlbində çox inciyirsən,
Bəlkə də qəlbində səbr et deyirsən,
Bağışla,həddindən dözmüşəm artıq.
Duymuram haçandır dərdi-sərini,
Bəlkə də sevirsən başqa birini,
Səndən çox vəfalı şəkillərini
Son dəfə önümə düzmüşəm artıq.
Gözümdən süzülüb yaş damla-damla,
Şəkillər ox olub qəlbimə zira,
Heç birindən əsər qalmayıb amma,
Hamısın sırayla əzmişəm artıq.
Duyğularım vardı zərif və incə,
Misilsiz sevirdim iki ay öncə,
Son dəfə düşünüb mən yetərincə
Sənli xəyallarda gəzmişəm artıq.
Getmədi başımın dumanı,çəni
Bu qədər çarəsiz etməzdin məni,
Səni unutmaqçün bir ayçöhrəni
Alıcı gözüylə süzmüşəm artıq.
İnsanı mən başa sala bilmərəm,
Səninsə könlünü ala bilmərəm,
Anla ki,mən onsuz qala bilmərəm,
Qəlbimə yol tapıb sezmişəm artıq.