Dostlar, bu şəkildə gördüyünüz ortada əyləşmiş kişinin 34 yaşı var. O, Azərbaycan Respublikasının Silahlı Qüvvələrində hərbi xidmət keçib və Azərbaycan Respublikası ərazisində vətəndaşlığı olmayan şəxs vəziyyətinə düşüb. 2009-cu ilin aprel ayından kəskin leykoz xəstəsidir. Eyni zamanda, onda paraproktik xəstəliyi də aşkar edilmişdir. Azərbaycan Qanunvericiliyi onun sənədləşdirilmə qaydasını nəzərdə tutmayıb. Mən ona əlilliyin alınmasına nail olsam da, onun şəxsiyyətini təsdiq edən heç bir sənədi olmadığı üçün əlilliyə görə pensiya ala bilmir. O, heç bir dövlət tərəfindən himayə olunmur, işləyə bilmir, əlilliyə görə pensiya ala bilmir, əksər hüquqlarından məhrum olmuşdur. Onun 7 yaşlı oğlu var. Həyat yoldaşı da xəstə ərinə və 7 yaşlı oğluna baxdığına görə işləyə bilmir. Ailənin heç bir yerdən gəliri yoxdur, maddi vəziyyətləri olduqca ağırdır. Onlar Xəzər rayonu, Binə qəsəbəsi, Hövsan Südçülük Sovxozunun ərazisində bir daxmada yaşayırlar. Mən indi onun vətəndaşlıq məsələlərindən irəli gələn hüquqi işləri ilə məşğulam.
Mənə zəng etmişdi, dedi ki, qışa odun almayıb deyə uşaq evdə soyuqdan ölür. Qərara gəldim ki, bunu sizinlə paylaşım, bəlkə kimsə yardım etmək istəyər. Onun sizin edə biləcəyiniz hər cür yardıma ehtiyacı var. Adı Raulidir. Ona maddi yardım etmək istəyən şəxslər 0515160752 nömrəsi vasitəsilə əlaqə saxlaya bilər.
Присоединяйтесь к ОК, чтобы подписаться на группу и комментировать публикации.
Нет комментариев