Предыдущая публикация
Мен учун битилган ҳар нарса борки,
Барини хаётда кўравераман.
Манзилим, максадим аникдир чунки,
Танлаган йўлимдан юравераман.
Майлига амалга ошмас бўлса ҳам,
Шу йўлда хаёллар суравераман.
Одамлар ортимдан пичинг қилса хам,
Танлаган йўлимдан юравераман.
Чалғитма дўстгинам йўлимдан менинг,
Сенга - да омонлик тилайвераман.
Синсам хам, сўнсам хам, тўхтамам билгин,
Танлаган йўлимдан юравераман.
Менга деб аталган ушбу йўл билан,
Бахтимни ахтариб боравераман.
Бахт излаб, бахт излаб,кўзим толса ҳам,
Танлаган йўлимдан юравераман.
Чорлама йўлингга эй, фикри нобоп,
Яшашни ўзим хам эплайвераман.
Кўримсиз бўлса хам, зарсиз бўлса ҳам,
Танлаган йўлимдан юравераман.
Сенгамас мен учун ғамхўрлик қилиш,
Мехрни Оллохдан сўрайвераман.
Майлида сен учун кўринса эриш,
Танлаган йўлимдан юравераман.
Ховлиқмам нафсни деб хар йўлга кириб,
Борига қаноат қилавераман.
Кўнглимга энг буюк мақсадлар солиб,
Танлаган йўлимдан юравераман.
Хаётда ўзимча яшайвераман....
Следующая публикация
Нет комментариев