Աշխարհն էլ ոտքի ելնի, դուք մեջք մեջքի պիտի պահեք իրար։ Աշխարհ պիտի լինեք իրար համար։ Ձեր աշխարհը պիտի ունենաք։ Ձերից դուրս էլ ոչ ոքի չունենաք։
Դու չհիշես քեզ հետևողներին, նա չհիշի անցյալի ստվերներին։
Դու ավելի լավը դառնաս հետը։ Նրան ամենալավը դարձնես։ Ինչ֊որ տեղ՝հոգուդ խորքում, երևի գտել ես գաղտնիքը, գիտես, որ կարող ես... Անիմաստ ոչ մի բառ չի ասում։ Ուշադիր պիտի լսես։ Լավագույն ընկերդ է. միշտ պիտի օգնես։
Ապացույցներ պետք չեն, բայց պիտի կարողանալ նաև հաստատել, որ ընկերություն կա, միայն թե...ընկերություն անել պիտի սովորեն մարդիկ։
Ընկերներն են, որ փրկում են իրար, կարոտում, գրկում են իրար, կապվում են թափանցիկ մի շղթայով, ժպտում են իրար զգալով։
Անիմաստ ոչ մի բան չենք ասում։ Ուղղակի մեկ֊մեկ գժվում ու չենք լսում իրար, չենք հասկանում լսածը։
Հետո դադար...երկար ու տևական մի բան։ Ու հասկանում ես, որ չէ՛, դուք, իրոք, լավ ընկերներ եք։ Որովհետև բացակայություն կա, որ զգացնել է տալիս իրեն։
Խելահեղություն...չհանդիպող դեպք։ Հանդիպած հազար դեմքերից ամենահարազատը, դրականը, ուժեղն ու ազատը։
Հա՛, մենք միշտ ձգտում ենք ազատության, մենք ձգտում ենք ազատ լինել։ Բայց մեր ազատության մեջ էլ շղթայակապ ենք ապրում, որովհետև չե՜նք հասնում մեր նկարած ազատությանը։
Թող ամեն ինչ։ Մոռացիր խառնաշփոթ առօրյան։ Արի ինչ֊որ հեռու տեղ, ուր քեզ քայլերդ կառաջնորդեն։
Գրկենք իրար։ Փրկվենք։ Ես՝քո երբեմն անտանելի բարդ բնավորությունից, դու՝իմ մանկական պարզությունից, աշխարհն էլ՝մեզանից...
...Փակիր աչքերդ, ու թող ազատենք աշխարհը մեր շղթայված մտքերից...💙🖇 ՍյուՆա
Присоединяйтесь к ОК, чтобы подписаться на группу и комментировать публикации.
Комментарии 3