Летась спаўняецца 80 год, калі вёска Каняўка далучылася да вёскі Сякерычы і утварыліся новыя вуліцы

80 год таму да в. Сякерычы афіцыйна далучылася вёска Каняўка (да гэтага існавалі дзве асобныя вёскі.). Тым часам ў 1936 годзе былі цалкам пераселены ўсе ваколічныя хутары- Заямнае, Ляды, Тапары, пасёлка Хутар, Загор’е, Каплоўка, Хадоплішча і многіх іншых. Усяго з 1930 па 1936 гады ў вёску Сякерычы былі перанесеныя больш за 80 падворкаў. Праз гэта былі пабудаваны дзве новыя перпендыкулярныя вуліцы (цяпер вул. Сонечная і вул. Ветэранаў). Усё гэта явілася завяршальнай фазай палітыкі “дэхутарызацыі” і пікам палітыкі “калектэвізацыі”.
Абсалютная большасць хутароў размяшчалася на поўдні, узходзе і захадзе ад вёскі- паміж вёскамі Колкі, Сякерычы, Зублішча, Дуброва, Зарыжжа. Уся гэта тэрыторыя, не была цалкам суцэльным лесам, як зараз, а ўяўляла сабою большай часткай шматлікія пералескі, хмызнякі і рэдкалессі з рэдкімі балотамі і сухімі сенажацямі, на якія з 1906 года, згодна з пачаткам “Сталыпінскай рэформы”, пачалі будавацца шматлікія хутары.