Предыдущая публикация
Гуфтам, ки дил додам ба ту, гуфто, ки маҷбурӣ магар?
Гуфтам, ки Маҷнун гаштаам, гуфто, ки машҳурӣ магар?
Гуфтам барои васли ту ҷонро фидоят мекунам,
Гуфто: зи ҳад афзун магӯ, аз оли Мансурӣ магар?
Гуфтам, ки дар сомонаҳо, дар сафҳаи роёнаҳо
Овоза, ки ишқи манӣ, гуфто, худат кӯрӣ магар?
Гуфтам наметобад чаро бар чашмҳоят эй парӣ,
Аз ҷон гузаштанҳои ман, гуфто, ки манзурӣ магар?
Гуфтам фазои фейсбук таркад зи ҳарфи ишқи ман,
Гуфто аз ин афсонаҳо орому масрурӣ магар?
Гуфтам, ки Синоят манам, аз дардҳоят гӯ ба ман,
Гуфто, ки эй дарди сарам, аз сӯз ранҷурӣ магар?
Гуфтам, ки эй бону бишав ҷононаву ғамхори ман,
Гуфто, ки номумкин бувад, аз ақл ҳам дурӣ магар?
Следующая публикация
Комментарии 3