1964-cü il yanvarın 29-da Naxçıvan şəhərində anadan olub. Qambay Vəzirov adına Naxçıvan şəhər 6 saylı orta məktəbi bitirib. N. Krupskaya adına Mədəni-Maarif texnikumuna daxil olub və oranı fərqlənmə diplomu ilə bitirərək, Cəlil Məmmədquluzadə adına Naxçıvan Dövlət Dram Teatrında aktyor kimi fəaliyyətə başlayıb, müxtəlif rollar oynayıb. 1988-ci ildə ali təhsil almaq məqsədilə M. A. Əliyev adına Azərbaycan Dövlət İncəsənət İnstitutunun dram rejissorluğu fakültəsinə daxil olub. Həmin illərdə Azərbaycanda baş qaldıran Milli Azadlıq hərəkatında yaxından iştirak edib. 1991-ci ildə Naxçıvan Dövlət Dram Teatrında Cəlil Məmmədquluzadənin "Anamın kitabı" pyesini kurs tamaşası kimi uğurla səhnəyə qoyub. 1992-ci il Birinci Qarabağ müharibəsində könüllü cəbhəyə gedərək, döyüşlərdə iştirak edib. Vaqif Əhmədov 1992-ci il iyunun 30-da Ağdərə şəhəri uğrunda döyüşlər zamanı qəhrəmancasına şəhid olub. Məzarı Bakı şəhərində, Şəhidlər Xiyabanındadır. Adına təqaüd təsis edilib. Bu təqaüd Azərbaycan Dövlət Mədəniyyət və İncəsənət Universitetinin təhsildə fərqlənən tələbələrinə verilir.
Присоединяйтесь к ОК, чтобы подписаться на группу и комментировать публикации.
Нет комментариев