Тус наадан Үндэр түрэлтэ 14-дэхи Далай ламын түрэһөөр 89 жэлэй ойдо зорюулагдажа, заншалта ёһоороо Хүндэтэ Гэшэ Джампа Тинлей багшын харгалзалга доро эмхидхэгдэхэ юм.
Улаан-Үдэ хотодо XIV Далай ламын түрэһэн үдэртэ зорюулагдаһан баяр ёһололой тоглолто 17 жэлэй туршада жэл бүри эмхидхэгдэнэ. Байгша ондо хоёрдохиёо хүгжэмэй нааданай түхэлөөр эмхидхэгдэхэ юм. Энэл тайзан дээрэ Буддын шажанда шүтэдэг аха дүү гурбан уласуудай - Буряад ороной, Тывагай болон Хальмаг Уласай, мүн Үбэр-Байгалай хизаарай Агын Буряадай тойрогой болон Монголой зужэгшэд хабаадаха байна.
Тус наадан оперо болон баледэй театрта үнгэргэгдэхэ, энэ үдэр бүхы харагшад болон хабаадагшад Үндэр турэлтэ Далай ламын ута наһанай түлөө зальбарха. Тоглолтодо түрэһэн үдэрэй торт болон кекс үргэл хэгдэхэ, удаань һайндэрэй бүхы хабаадагшадта тараагдаха.
Оперо болон баледэй театрта
июлиин 6-да 18:00 сагта тус хэмжээ ябуулга эхилхэ
Буряад Уласай бүхы ажаһуугшадые, айлшадые Буддын шажантанда удха шанартай энэ ехэ һайндэрые эндэ ерэжэ, хамтадаа угтахыетнай уряалнабди!
Присоединяйтесь к ОК, чтобы подписаться на группу и комментировать публикации.
Нет комментариев