gətirən rəqəm QOÇ
Rənglərin enerjiləri: Qırmızı sizi
hərəkətə gətirərək dəyişikliyə
çətinlik çəkmədən ayaq
uydurmağa və enerji ilə təmin
etməyə kömək edəcək.
Romantik mənada isə
xoşbəxtliyi, əzm və inamınızı
artırır. Zeytun yaşılı isə ümidi,
yeniliyi, gəncliyi və təravəti
bütün ruhunuzda əks
etdirəcəkdir. Zeytun yaşılı
harmoniyanın rəngidir.
Məsələn, qısa al-qırmızı don,
dərin sinə dekolteli köynək,
yaxud da ekstravaqant
kombinizon Qoçlar üçün
uyğundur.
Yeni il gecəsi uğur daşınız: Yaşıl
turmalin və nefrit. Floristik
dizaynda üzük sizin uğur
talismanınız olacaq. Sarı qızılla
işlənmiş brilyantlar Qoç
bürcünün cazibədarlığını
artıracaq.
BUĞA
Rənglərin enerjiləri: Narıncı
həyəcan və sevincverici rəngdir,
özündə dinamizmi əks etdirir.
Bənövşəyi zənginliyi,
alicənablığı, zinət və ehtişamı
əks etdirir. Ruhi enerjinizi və
qidanızı artıraraq istedadınızı və
xəyallarınızı həyata keçirməyə
yardımçı olur.
Yeni il gecəsi üçün ipək, yaxud
da sürüşkən materialdan tikilən
paltarlara üstünlük versəniz,
yaxşı olar. Karamel, əsasən yaşıl
rənglərə müraciət edin ki, gələn
il sizə çoxlu uğur gətirsin. Bəzək
əşyaları böyük ola bilər. Amma
tək iri boyunbağı ilə
kifayətlənin.
Yeni il gecəsi uğur daşınız: Yaşıl
turmalin və nefrit sizi uğurla
təmin edəcək.
ƏKİZLƏR
Rənglərin enerjiləri: Süd rəngi
saflığın və təmizliyin
simvoludur. Sakitlik yaradır,
xeyirxahlıqlıq aşılayır,
soyuqqanlı olmağınıza təsir
göstərir və bunun davamlı
olmasına kömək edir. Rahatlıq
və arxayınlıq hissinizi hərəkətə
keçirir. Düşüncə qabiliyyətinizi
artırır. Göy isə axtardığınız
əmin-amanlığı tapmağınıza,
ruhi olaraq içindən çıxa
bilmədiyiniz məsələləri həll
etməyinizi təmin edir.
Yeni il axşamı zərif biçimli, ən
yüngül, nazik parçadan tikilmiş
paltarlar seçin. Bu stili cəsarətli
aksessuarlarla, o cümlədən süni
xəzlərlə tamamlamaq olar.
Xəzlər Əkizlər bürcünün
nümayəndlərinə cazibədarlıq və
çəkicilik bəxş edəcək. Bütün
ansambla boğuq göy və
gümüşü rənglər əlavə
olunmaqla gözlənilən nəticəni
əldə etmək mümkündür.
XƏRÇƏNG
Rənglərin enerjiləri: Narıncı
ünsiyyətcil olmağınıza,
əlaqələrdə uyğunluğu təmin
etmənizə köməkçi olar və sosial
münasibətlərinizi
möhkəmləndirər. Maddi
məsələlərdə şans gətirər. Tünd
göy isə ruhunuzun azad
olmasına yardımçı olur.
Narıncının açıq çalarları və
qızılgül ləçəkləri əlavə olunmuş
paltarlar Yeni il gecəsi üçün əla
ansambl təşkil edəcək.
Üstündən yüngül xəz jaket
geyinmək olar.
Yeni il gecəsi uğur daşınız: Ay
daşı, opal. Mirvarilər də xərçəng
bürcünün nümayəndələrinin
təbii gözəlliyini vurğulamağa
kömək edəcək.
ŞİR
Rənglərin enerjiləri: Qızılı
ruhunuzu qidalandırır, iş
qabiliyyətinizi və
məhsuldarlığınızı artırır. Həyat
eşqinizi yüksəldərək
məqsədlərinizə qətiyyətlə nail
olmağa kömək edir. Bilik və
müdrikliyi ifadə edir. İş
həyatında uğurlu olmağımıza
kömək edir.
Yeni il gecəsi həqiqətən
dəbdəbəli görünmək
istəyirsinizsə, qızılı və ya ehtiras
rəngi olan qırmızıya müraciət
edin. Şirlər üçün ən yaxşı
materiallar məxmər, atlas,
zərxaradır. Bədən quruluşunu
vurğulayan paltarlara üstünlük
versəniz, yaxşı olar.
Yeni il gecəsi uğur daşınız: Stili
uğur gətirən qiymətli daşlarla
tamamlayın. Yaqut Şirlərin ən
uğurlu daşıdır. Daha sonra isə
brilyant gəlir, qeyri-rəsmi
tədbirlərə isə dəri və taxtadan
hazırlanmış aksessuarlar taxa
bilərsiniz.
QIZ
Rənglərin enerjiləri: Şaftalı
tonları ünsiyyət qabiliyyətinizi
qüvvətləndirməyə və özünüzü
doğru sözlərlə ifadə etmənizə
kömək edir. Bənövşəyi isə sizi
narahat edən problemlərin həll
edilməsinə kömək edir. Ağ isə
ruhunuzun bütün saflığını şəxsi
həyatınıza təsir etdirməyə,
məhəbbətdə saflığı və
məsumluğu tapmağa kömək
edir.
Yeni il gecəsi sadəlik
prinsiplərdən əl çəkib, al-
qırmızı, göy və ya bənövşəyi
libas ilə gözqamaşdırıcı görünə
bilərsiniz. Əgər daha
ekstravaqant görünmək
istəyirsinizsə, müəmmalı,
mücərrəd naxışlı paltarlar
axtarın.
Yeni il gecəsi uğur daşınız:
Zümrüd, xrizolit
TƏRƏZİ
Rənglərin enerjiləri: Göy iş
həyatınızda maddi məsələlərdə
rahatlıq gətirir, eyni zamanda,
axtardığınız əmin-amanlığı
tapmağa və həll edə
bilmədiyiniz məsələlərin
öhdəsindən gəlməyə yardım
edir.
Yeni ili qarşılamaq üçün açıq
göy, boz, yasəmən tonları
uğurlu seçimdir. Böyük dekolteli
uzun paltarlara üstünlük
vermək olar. Bu paltarın
aksessuarlarını çox diqqətlə
seçmək lazımdır. Geyimi təbii,
yaxud süni güllərlə tamamlaya
bilərsiniz. Güllər gözəlliyinizə
təbiilik bəxş edəcək.
Yeni il gecəsi uğur daşınız:
Çəhrayı kvars və kəhrəba daşı
bayram axşamı sizə lap çox
uğur gətirəcək. Zinət əşyaları
isə floristik motivlərdə olmalıdır.
ƏQRƏB
Rənglərin enerjisi: Qırmızı
romantik mənada xoşbəxtliyi
tapmaqda, münasibətlərdə
yaranan problemləri həll
etməyiniz üçün lazım olan əzm
və inamınızı artırır. Bənövşəyi
istedadınızı göstərməyə,
düşüncələrinizi, həyata
keçirməyə kömək edir.
Mürəkkəb üslubda geyim sizin
üçün əla seçim olar. Yeni il
gecəsi bədən quruluşunu
göstərən və dəri detallarla
işləmiş geyimlərə üstünlük
verin. Xəz şərflər geyimi daha
eleqant hala salacaq.
Asimmetrik kəsimlər, dekolte
lap yerinə düşər. Əqrəb
bürcünün nümayəndələri üçün
ən münasib rənglər bənövşəyi,
qara və qırmızıdır.
Yeni il gecəsi uğur daşınız:
Qırmızı mərcan, opal gecənin ən
uğurlu daşıdır. Qızılı və iri bəzək
əşyaları, yaxud da topaz da
uğur cəlb etməyə kömək
edəcək.
OXATAN
Rənglərin enerjiləri: Çəhrayı
ruhi baxımdan sizi qidalandırır,
həm də eşq həyatınızda
yaranan maneələri aradan
qaldırmağa yardım edir.
Bənövşəyi isə iş həyatınızda
maddi axının güclənməsini
təmin edir. Yeni il gecəsində
sizin üçün minimum detalları
olan yığcam ansambl daha
münasibdir.
Yeni il gecəsi uğur daşınız:
Sitrin, ametist, firuzə və mavi
sapfir sizin ən gurlu
daşlarınızdır. Ağ qızıldan,
gümüşdən və ya platindən olan
zinət əşyalarının köməyi ilə də
geyimi təkmilləşdirə bilərsiniz.
Ağır, mücərrəd üslubda
aksessuarlarla eksperiment
aparmaqdan qorxmayın.
OĞLAQ
Rənglərin enerjiləri: Göy
axtardığınız əmin-amanlığa
çatmağa yardım edir, həll
etməkdə çətinlik çəkdiyiniz
məsələlərdə dəstək olur. Südlü
qəhvə rəngi cəmiyyət içində
statusunuzu qaldırmağınıza və
nüfuz qazanmağınıza yardımçı
olur.
Əyninizə kip oturan, assimetrik
biçimli, qalın paltarlar daha
uyğundur. Paltarın rəngi tünd
olmalıdır. Göy və qırmızının
tünd tonlarına müraciət edin.
Yeni il gecəsi uğur daşınız:
Obraza mavi sapfir və vintaj
aksessuarlarla bəzək vurun.
DOLÇA
Rənglərin enerjiləri: Tünd mavi
sonsuzluğu, nüfuzu və
məhsuldarlığı xarakterizə edir
və bu sahədə sizə yardımçı olur.
İş və şəxsi həyatınızda
insanların üzərində
müvəffəqiyyətli və güclü imic
qalmağınıza kömək edir.
Yeni il gecəsi siz boz və göy
rənglərin üzərində dayanın. Bu
rənglərin qara ilə kombinasiyası
çox uğurlu alınır. Heç bir
məntiqə tabe olmayan
avanqard biçimlərə üstünlük
vermək olar.
Yeni il gecəsi uğur daşınız:
Akvamarin daşlı böyük klon və
ya mavi sapfir sırğa sizin uğur
simvolunuz olacaq.
BALIQ
Rənglərin enerjiləri: Göy
səmanın bütün müsbət
enerjisini qəlbinizə toplayacaq.
Göy həm də daha qərarlı və
özünəinamlı hərəkət etməyinizə
yardımçı olur. Zeytun yaşılı isə
məhəbbətlə bağlı məsələlərdə
şansınızı yüksəldir.
Yeni il axşamı bir rəngli deyil,
böyük və mücərrəd naxışlı
paltar seçmək daha yaxşıdır.
İşıqlandırma sistemindən asılı
olaraq rəngləri dəyişən
paltarlar da olar. Rəng çeşidi
müxtəlif ola bilər, ancaq
rənglərin boğuq olması
vacibdir. Saç lenti, yaxud, başda
yaxşı bağlanmış şalı obraza
əlavə etmək olar.
Yeni il gecəsi uğur daşınız:
Gümüş, ametist daşı, mirvari və
kalsit kimi daşlardan
hazırlanmış zinət əşyaları Yeni
ildə yeni uğurlar əldə etməyə
kömək edəcək.
Присоединяйтесь к ОК, чтобы подписаться на группу и комментировать публикации.
Комментарии 1