Предыдущая публикация
«...
Анегін» сёння — актуальная гісторыя. Моладзь павінна прачытаць гэта ў першую чаргу. Няма ў нашым жыцці нічога больш важнага, чым каханне, чым сяброўства. Няма нічога больш страшнага, чым здрада, чым раўнадушша, — падкрэсліла рэжысёр-пастаноўшчык Ганна Маторная. — Мне здаецца, гэта праявы сучаснага грамадства: раўнадушша аднаго чалавека ў дачыненні да іншага. Няздольнасць адчуваць па-сапраўднаму, шчыра. Людзі баяцца сваіх пачуццяў. Ад страху і адбываюцца сумныя падзеі ў нашым жыцці, таму што страх знішчае чалавечую душу. «...Анегін» не пра тое, як нейкі мужчына не прызнаўся ў каханні нейкай жанчыне. Гэта пра тое, што павінен рабіць чалавек, каб быў шчаслівы іншы чалавек". Галоўны рэжысёр тэатра Ганна Маторная. #bolshoibelarus92
Таццяны ды Вольгі мараць пра шчасце і чакаюць кахання — як і два стагоддзі таму. Вось толькі ў летуценных прыгажунь і рамантычных разумніц цяпер іншыя магчымасці для знаёмства, і гэта не толькі дыскатэкі ды клубы — па аналогіі з балямі пушкінскіх часоў, дзе заводзілі знаёмствы, фліртавалі, прыглядаліся да патэнцыйных нявест ды жаніхоў. Што ж, час ідзе, мінаюць эпохі, а чалавек усё так жа можа трапіць у вір эмоцый ці ў палон пачуццяў, яму зразумелыя паняцці гонару і годнасці, ён востра перажывае боль ад страты кахання, бо жаданне быць шчаслівым ніхто не адмяняў. Таму да оперы «Яўген Анегін» у Вялікім тэатры Беларусі не згасае цікавасць. Напрыканцы лістапада публіцы прадставілі новае ўвасабленне твора на беларускай сцэне — ужо восьмае, калі весці адлік ажно з 1933 года. І гэта ўжо другі «...Анегін» у Вялікім у ХХІ стагоддзі.
Ларыса Цімошык - пра прэм'еру оперы "Яўген Анегін" у Вялікім тэатры Беларусі - спецыяльна для ВД "Звязда". Наступныя паказы спектакля - 25 студзеня, 25 лютага і 27 сакавіка
Следующая публикация
Нет комментариев