Большие Чучевичи

Фотаархіў Чучавіцкага краю працягвае пашырацца!

Гэтым разам трапілі здымкі пераважна 1950-60-ых гадоў. Сярод здымкаў - тры школьныя здымкі, і магчыма на іх хтосьці пазнае сваіх.
Здымкі - з дамашняга архіву Рылача Анатоля.
Агулам у архіве ўжо сабраны 276 адсканаваных фотаздымкаў. Фотаархіў месціцца на старонцы Чучавіцкага краю праекта VANDRA.

Чучаўлякі, прачытайце, калі ласка

У мінулым месяцы прайшла навальніца і на могліцах на Вялікіх, акрамя прыбранага галля і апалага аднаго дрэва, былі спілаваны шчэ некалькі крэпкіх старых дубоў.
Будучы неабыякавым да Чучавіцкага краю: да яго людзей, гісторыі і культуры - хацеў бы звярнуцца да чучаўлякоў і тых, хто мае дачынне да краю.

Калі ласка, не сячыце дрэвы на могліцах.

Самае галоўнае і ў першую чаргу - гэта спадчына нашага краю. Гістарычна склалася так, што старых пабудоў, апроч царквы, у нас не засталося. Але засталася прыродная спадчына, якая была сведкамі розных гістарычных падзей. Нам варта берагчы і шанаваць старыя дрэвы (а гэта па большасці дубы), бо праз іх праходзіла жыццё маі

Якая гаспадарка была ў Чучавіцкім краі ў 1916 годзе?

Сельскагаспадарчы перапіс праводзіўся ў 1916 і 1917 гадах, каб разумець стан сельскай гаспадаркі пад час Першай сусветнай вайны. У новым артыкуле аналізуем, наколькі багата жылі чучаўлякі на прыкладзе чатырох двароў, і публікуем базу двароў па Чучавіцкай воласці.
Артыкул можна пачытаць на сайце VANDRA.

З каго складаўся Чучавіцкі край 150 год таму?

У 1874 годзе, 150 год таму, праходзіла чарговая штогадовая споведзь у Чучавіцкай царкве. У той год усе населеныя пункты Чучавіцкага краю ўваходзілі ў межы Чучавіцкага прыходу, адпаведна для нас гэта магчымасць зразумець, з каго складаўся край 150 год таму.
У новым артыкуле аналізуем, якім быў Чучавіцкі край 150 год. Усё інтэрактыўныя графікі і табліцы дасяжны толькі на прыладах з шырынёй экрана звыш за 1200пкс (гэта камп’ютары, ноўтбукі).
Чытайце увесь артыкул на сайце праекта VANDRA