#солиҳларга.
Ўқилавериб, очилавериб, бармоқлар тегавериб-ҳилвираб кетган Қуръонингиз сиздан кейин қолсин...
Тиззаларингизни қабартирган, ўзига ҳам из тушган, амалларингизнинг энг улуғи намозингизга ҳар толаси гувоҳ бўлган жойнамоз ортингизда қолсин!
Ҳар кўчада сизни таниган бир танноз қолмасину, авратингизни кўрган бир обдаста сиздан кейин қолсин.
Онангиз қорнида сиз учун яратилган уммонни кўрдингиз...
Туғилиб эса осмонни...
Ҳар иккисида ҳам сизни кир этадиган бир гард йўқ эди!
Илоҳо, дунёдан ҳам кирланмай кетинг...
Покликда беназир хур-у ғилмонларни кўринг...
Поклардан-пок Зот Сизни уларга мушарраф этсин!
Бу дунёда гуноҳлар ёмғиридан-қуруқ қолиш қийин...
Бири бошдан ёғса, бири оёқдан чалади!
Дуога кафт очганимизда, беш бармоқни кўрганимизда...
Беш устунни унутиб қўймайлик:
Шаҳодат, намоз, закот, хаж, рўза...
Амийн дея фотиҳани юзга тортаётганда ўйлайлик: ҳовучга тўлган дуо нега юракка эмас, бошга эмас, қоринга эмас, юзга тортилади?
Дуоларнинг нури сабаб юзлар ёруғ бўлиши учун эмасми? Чеҳраларни поклаш учун эмасми?
Илоҳим ҳар банданинг аввало Аллоҳ олдида юзи ёруғ бўлсин!
Юз қароликдан Ўзи асрасин...
Присоединяйтесь к ОК, чтобы подписаться на группу и комментировать публикации.
Комментарии 4