Предыдущая публикация
Кыргыз каадалары!
К А Р Ы Я Л Ы К КААДАЛАР КАЙСЫЛАР?
- сөөлөтүн бузбай жүрүүсү;
- дөөлөтүн кармануусу;
- нарктуу кийинүүсү;
- нарктуу сөз сүйлөөсү;
- калыс кеп айтуусу;
-элди бөлүп-жарбоосу;
-таарынышкандарды табыштыруусу;
-үлгү көрсөтүүсү;
-бата берүүсү;
-нарктуу жол-жоболорду жасоосу;
-улуттук кийимдерин кийинүүсү;
-кичүүгө устукан берүүсү;
-кичүүнү алкоосу;
-устуканын көтөрүп кетпөөсү;
-бирөөнү каарып сүйлөбөө;
-бирөөнү каргап сүйлөбөө;
-жегенинен түп калтыруу;
-ичкилик ичип, уят болбоосу;
-дөөлөтүнө манчыркабоо;
- кагынып-силкинип мамиле жасабоо;
-жаштарга насаат кеп сүйлөө;
-залкарлыгы;
-акылмандыгы;
-элдик билимдерди билүүсү;
-жаш-курагына жараша кийинүүсү, ж.б.
Б А Й Б И Ч Е Л И К КААДАЛАР:
-сөөлөтүн бузбай жүрүүсү;
-дөөлөтүн сактоосу;
-сынын сактоосу;
-набаттуу сүйлөөсү;
-улутунун кийимин кийинүүсү;
-келиндерге нарктуу кеп айтуусу;
-келиндерге улутунун өнөрлөрүн үйрөтүүсү;
-кичүүлөргө кешик арттыруусу;
-жаштарга насаат айтуусу;
-бата берүүсү;
-калжың-кулжуң сүйлөбөөсү;
-келиндерге турмуштук үлгү көрсөтүүсү;
-токтоолугу;
-залкарлыгы;
-элдик билимдерди билүүсү;
-жаш-курагына жараша кийинүүсү, ж.б.
М Ы Р З А Л Ы К КААДАЛАР:
-нарктуулугу;
- салабаттуулугу;
-токтоолугу;
-сыпайылыгы;
- сабырдуулугу;
-айкөлдүгү;
-кечиримдүүлүгү;
-улуттук кийимдерди кийүүсү;
-абройлуу болуусу;
-марттыгы;
-кең пейилдиги;
-ар дайым калыс кеп айтуусу;
-акыйкаттыгы;
-ар-намыстуулугу;
-белдүүлүк;
-топуктуулук;
-туруктуулук;
-наалыбоо;
-сөз көтөрө билүүсү;
-сөзгө жыгылуу;
-сөзгө туруусу;
-элди бөлбөөсү, ж.б.
Ж И Г И Т КААДАЛАРЫ:
-ата-тегин билүүсү;
- намыстуу болуусу;
-улутун урматтоосу;
-улуттук тилин урматтоосу;
- улуттук кийим кийүүсү;
- чынчылдыгы;
-чечкиндүүлүгү;
-уяттуулугу;
- улууларды урматтоосу;
- саламын калтырбоосу;
- убадага бекемдиги;
-элпектиги;
- сергек болуусу;
- чыдамдуулугу;
-кол билгилиги;
-билимге умтулуусу;
-өнөрпоздугу;
-шайдоот жүрүүсү;
- сөзгө жыгылуусу;
- сөздү сыйлоосу;
-достукка бекем болуусу;
-элге кызмат кылуусу;
-кыздарды сыйлоосу, урматтоосу, ж.б.
К Е Л И Н КААДАЛАРЫ:
-ийменүүсү;
-кайын журтуна урмат- сый көрсөтүүсү;
- жүгүнүүсү (шартка жараша);
-тергөөсү (шартка жараша, же көзүнчө атын айтпоосу);
- ашыкча сөз сүйлөбөөсү;
- эрте туруп, үйүн таза күтүүсү;
-айттырбай үй жумушун аткаруусу;
-өмүрлүк жарын урматтоосу;
-жарашыктуу жүрүүсү;
-ак жоолугун башынан түшүрбөөсү;
-элдик нарктарды билүү жана аны кармануусу;
- ата журтуна кайын журту тууралуу жаман сөз айтпоо, «жакшысын чыгарып, жаманын жашыруусу»;
-кайын сиңдисине үлгү болуусу;
-уяттуулугу, ж.б.
К Ы З КААДАСЫ:
- тазалыгы;
-адептүү жүрүм-туруму;
-адептүү сүйлөөсү;
-адептүү мамилеси;
-намыстуулугу;
-уяттуулугу;
- улуттук кийимдерди кийүүсү;
- тартиптүүлүгү;
- өнөр үйрөнүүсү;
- эне тилин таза билүүсү;
- өз сөзүнө бекем туруусу;
- өз акылынын өзүндө болуусу;
- ар ким айткан сөздү ээрчий бербөөсү;
- өз оюна, сөзүнө туруктуу болуусу, ж.б.
К О Н О К КААДАЛАРЫ:
- салам айтып, таазим этип кирүүсү;
- келген үйдүн шартына көнүүсү;
-сыпайы болуусу;
- ыксыз сүйлөбөөсү;
- үйдүн намысына шек келтирбөөсү;
- өзүнүн жаман сапаттарын көргөзбөөсү;
- берген тамагына ыраазы болуусу;
- келген үйгө көз артпоосу;
-үй ээсине басынтып мамиле кылбоосу;
-өзүн мактабоосу, мактанбоосу;
-башка бирөөлөрдү жамандабоосу;
-бир нерсени бүлүндүрбөөсү;
- ушактап кетпөөсү;
-ыраазы болуп кетүүсү;
-үй ээсине ыраазылык билдирип кетүүсү…ж.б.
С. Р Ы С Б А Е В
Следующая публикация
Комментарии 2