1-болум
Бул жөн эле чыгарма. Балким кимдир бирөөнүн тагдырын, жашоосун сүрөттөшү мүмкүн. Окшош тагдырлар болот жашоодо.
Кыштын узун түнү! Сыртта ай жарык, түн ортосунан эбак ооп кеткен. Үй ичинде бир караан ойлуу отурат, отуз, отуз беш жаштардагы жигит. Бир караган кишиге жансыз көрүнөт. Анткени жигиттин өңү жуулган чүпүрөк сыяктуу бозоруп кыймылсыз турган. Жашоодон үмүтүн үзгөн сыяктуу, кайдигер бир чекитти тиктеген калыбында таңды ушинтип тозот, бир канча күндөн бери. Жүрөктү эзген ой, бир жагынан жанын жеген жүрөк оорусу.
Кезинде кыздардын кыялы эле. Жөнөкөй бир сырдуу, жылдыздуу. Бир кезде от болуп жанып турган көздөрү чарчаңкы муңду. Көздөрү киртийип кызарып чыккан, көптөн бери уйку көрбөгөндүктөн. Өңүнөн азып кеткен, кебетеси жүдөп. Кайраттуу калың чачтарын ак аралап. Жаш туруп турмуштун түйшүгүн тартып азапка малынганы өңүнөн билинип турат.
Кезинде далайдын жүрөк үшүн алган, атын укканда бир далайы титиреп, бир далайы сүйүнүп турчу эле. Азыр болсо тагдырына багынган ооруга алдырган бир жөнөкөй жан болуп турат. Ким корсо да боору ачып жүрөгү сыздай турган акыбалда. Ээх тагдыр! Канчасын бактылуу, канчасын бактысыз кыласың? Ойго малынган сырдуу жигит да тагдырдын курмандыгы болгон сыяктуу.
Максат да башкалар сыяктуу бактылуу балалык доорун сүргөн. Чоң ата чоң энесинин колунда тарбияланып эрке өстү. Анда турмуш мынчалык оор, азап кайгы, кубаныч, сүйүнүч болоорун аңдап билбесе керек. Бала кезинде эле алсыздарды коргоп алдуулар менен көп кармашчу. Бактылуу балалык доору биринчи класска чейин уланды, мектеп босогосун ата энесинин колунан аттады, турмуштун түйшүгү моюнуна илинди. Өзүнөн кичүү иниси менен карындашын карайт, ата энеси мамлекеттик кызматта иштешет. Союз чачырап базар экономикасы кирген мезгилде Максаттын ата энеси жумушсуз калды. Жокчулук ачка калуу, башкача айтканда турмуштан күтпөгөн соккуга дуушар болду. Жаш туруп чоңдордой ой жүгүртө баштады. Эмнеге ата энем жумушсуз калды? Эмнеге биздикинде Марселдин үйүндөгүдөй таттуу токоч жок? Биз качанкыга чейин сууга бышкан картошка жей беребиз? Суроолору көп бирок жообу жок. Чоң ата чоң энесин сагынды, ата энесине эркелегиси келет. Бирок атасынын көптөн бери кабагы салыңкы. Апасы да капалуу. Ини карындашын эркелетишет, Максатты эркелетишкен жок үй жумуштарын жасатышат. Кээде атасы болоор болбоско жинденип урушуп чаап да жиберчү болду. Башында көз жашы кылып алчу, бара бара ичинен ыйлап сыртына чыгарбас болду. Тагдырдын тамашасы, чоң энеси менен чоң атасы, биринен сала бири дүйнөдөн өтүп кетишти. Ошондо Максаттын ишеними өзүндө болуп калды. Канатына калкалаган чоң ата чоң энеси жок. Эркелик менен бир жолу коштошту. Жумушсуздуктун айынан атасы ичкилике жакындай баштады. Ичип алса Максатты урушуп чаап жинин чыгарып алчу болду, энеси болушуп атасынан, Максатка кошула уруш угат. Окуучулук доору бүткөнчө атасынын оозунан бир жакшы сөз уккан жок. Анткени алсыздарга болушуп, алдууларды уруп койчу. Алардын ата энелери Максаттын атасына айтып келишчү. Алтынчы класс убагында, өзү теңдүү балдардан өзүнө чакан топ курады. Баарынын максаты, көздөгөндөрү бир. Алсыздарды коргоп алдуулар менен күрөшүү эле. "Түнкү карышкыр" деп топко ат ыйгарып далайдын жүрөк үшүн алып турушту. Өздөрүнөн улуулар да сестенип турушчу. Анткени баары тең көздөгөнүнөн кайра тартпаган өжөр жигиттер болду. Айылына жаштар арасында аттары угулуп, үч жыл ичинде бүткүл райондогу, жаштар арасында кадырлуу болуп чыга келишти. Максат көк беттиги өжөрлүгү менен далайдын жүрөк үшүн алып турду. Тең тайлашар жаштар чыкпады буларга каршы. "Түнкү карышкыр"лардын максаты алсыздарды коргоо болчу, баары бир ооздон антташкан, берген анттарына өмүрлөрүнүн акырына чейин бекем турушту.
Райондогу кылмыш дүйнөсүнүн өкүлдөрү да, өз чөйрөлөрүнө тартуунун аракетин кылып жатышты. Максатка байма бай жигиттерин жиберип, оңчулукту жооп ала албады, райондун смотряшийи. Кысым көрсөтүү, коркутуу менен өздөрүнө кошуп алгылары келет, бирок райондогу жаштар, спорт чөйрөсү Максаттын тобун колдошот. Максат өзү да моюн сунуп бербейт. Кандай кылган күндө да, буларды өздөрүнө баш ийдирүүгө көптөгөн аракеттер көрүлдү. Майнап чыккан жок.
Уландысы бар
Урматтуу окурмандар ушул чыгарманы окугансыздарбы?эгер окуган болсоңуздар улантпай эле коёлу... комментарийге карап улантабыз...
Присоединяйтесь к ОК, чтобы подписаться на группу и комментировать публикации.
Комментарии 22