Предыдущая публикация
შენი სურნელით დავთვრები როცა,
ჩამომისველებს ცრემლები სახეს,
გამიკვირდება, რა რწმენით მომცა
სიყვარული, რომ შენ ერთი გნახე.
შენს მხარზე როცა თავს დავდებ კრძალვით,
გულის ცემასაც დავითვლი რითმში,
დახუჭულ თვალებს გავახელ მალვით
და უცბად თითქოს, ჩავივლი ფილმში.
მოგეფერები როდესაც თმაზე,
გრძნობის ალმური აწვდება ცამდე,
კვლავ შეეტყობა შორ დღესაც
,,ხმაზე,"
რომ ოცნებები ახდება, გწამდეს.
გადმოვსახლდები შენს გამთბარ მკერდთან,
შენი სურნელი დამათრობს მართლა,
შემოვიბუდრებ ღონიერ მხრებთან
და ყველა ნატვრა გამაქრობს მაღლა.
,,ეთო" . აგვისტო. 2024.
Присоединяйтесь к ОК, чтобы подписаться на группу и комментировать публикации.
Нет комментариев