Ялпиз терган қимтиниб, ўйчан.
Кўк сомсага тўйсин деб бизни,
Тандирга ўт ёққан мунисам...
Минг ташвишда чекиб машаққат,
Яратганни қўймас ёдидан.
Бир умр кўрсатиб оқибат,
Нолимаган ўз хаётидан...
Тағорада кир ювган Онам,
Қир қоралаб, мол қувган Онам,
Қайдан топай дийдорингизни?
Юзи ойдай жилмайган Онам...
Беш болани тамоғи қурсин,
Тонглар тоймас пайкал кечишдан.
Усти бошин ямоғи қурсин,
Боши чиқмас тикиш-бичишдан...
Таққани йўқ тилло сирғаси,
Кўнгли зарга иймаган хечам.
Оёғида тешик маҳсиси,
Янги куйлак киймаган хечам.
Хатто энг арзон жой паттаси,
Сиҳатгоҳга бормаган Онам.
Гувалак уй бўлиб Маккаси,
Пойтахтни ҳам кўрмаган Онам...
Рўмолини учини тишлаб,
Ҳаё билан ийманиб турган.
Кўз ўнгимда нурли сиймоси,
Доим ширин хаёллар сурган...
Харом ризқдан ор этган тираб,
Кўпда ҳаққи бисёр ҳолисим.
Пулни тутган қўли қалтираб,
Дунёсидан меҳри олисим...
Савоб талаб югурган Онам,
Ҳаммасига улгурган Онам,
Қайдан топай дийдорингизни,
Фариштадай жилмайган Онам..
Группадан олинди
Присоединяйтесь к ОК, чтобы подписаться на группу и комментировать публикации.
Комментарии 6