Шоркырап аккан суудый ырады.
Шуулап учкан салкындый jӱрӱмис,
Шуургандап тургандый jӱректи сыстатты.
Сӱӱнчилу jараш jаш тужыбыс,
Сагыштаҥ чыкпай jанымда айланды.
Кожо ӱренген балдар биригип,
Туштап jуулза - кандый jакшы.
Акту jӱректеҥ айдылган сӧстӧр,
Мелтиреп калган jаашту кӧстӧр.
Jажысты кӧргӱскен jӱзисте чырыштар,
Jӱрекке jажынган - ачу сыстар.
Jӱзӱн башка салымду кӧӧркийлер,
Jӱрӱмнеҥ астыккан кайран нӧкӧрлӧр.
Слер jогынаҥ кунуккан ӧйлӧр,
Кожо ӱренген - кару нӧкӧрлӧр.
Кемниҥде jаркынду сӱӱжин ӧчӱрген,
Кайра келбес будакту jолдор.
Кемниҥде jӱрӱмде кожо алтаган,
Кӧксине бадышпас - ырысту jылдар.
Jӱрекке баалу сӱӱнчилӱ тушташтар,
Тоозы астаган jолыста байрамдар.
Jажына арткан чаазында jуруктар,
Jӱректеҥ айрылбас - Кару наjылар !
Чечек Санина Тондоева
Присоединяйтесь к ОК, чтобы подписаться на группу и комментировать публикации.
Комментарии 8