Предыдущая публикация
Иртә таңнан телим теләкләрнең
Яктыларын, керсез, сафларын!
И Ходаем, берүк гафу кыл син,
Бардыр ялгышкан да чакларым!
Исәнлекләр сорыйм якыннарга,
Күңелемнән алар китмәсен!
Саулык белән каршыларга язсын
Тормышымның һәрбер иртәсен!
Юлга чыкканнарга - тыныч сәфәр,
Ялгызларга - тиңен, үз парын
Бирсен Ходай! Матур яшәсеннәр
Ак теләкле ихлас дусларым!
Әти-әниләргә хөрмәт белән
Карыйк әле һәрбер иртәдә!
Әйтик җылы сүзен, күңелләре
Бездән бары шуны көткәндә!
Ил-көнемә тынычлыгын бирче
И, Ходаем, яшик яратып!
Сокландырып, яман карашларны
Якты уйлар белән агартып!
Гөлнур Айзат
Присоединяйтесь к ОК, чтобы подписаться на группу и комментировать публикации.
Нет комментариев