Предыдущая публикация
"Кем анда барып кайткан?" димә!
Ислам динендә иман 6 баганадан тора:
- Аллаһка иман китерү
- Аның фәрештәләренә иман китерү
- Аның китапларына иман китерү
- Аның пәйгамбәрләренә иман китерү
- Ахыйрәт көненә иман китерү
- Тәкъдирнең яхшысына да, яманына да инану.
Кем шушы иманның 6 нигезенең берсен дә булса танымаса яисә инкарь итсә (мәсәлән, китапларга ышанмый, яисә Ахыйрәт көненә ышанмый һ.б.) – Ислам диненнән чыга һәм кәфер була. Әле ул гына да түгел, әгәр кеше бер нигезнең нинди дә булса өлешен кире кага икән – ул шулай ук мөселман түгел, кәфер була. (Аллаһ безне моннан сакласын) Мисал китерик. Менә кеше иманның һәр баганасына ышана, Аллаһка да, фәрештәләргә дә, китапларга да, пәйгамбәрләргә дә ышана, ә үлгәннән соң терелүгә ышанып бетми, шикләнә һәм: "Кем анда барып кайткан?" дип әйтеп куя кайчак. Ягъни бу сүзләрне әйтүче кеше Кыямәт көнендә кабердән кубарылачагына ышанмый булып чыга, димәк иманның бер баганасын – Ахыйрәт көненә иман китерүне – инкярь итә. Ә бер генә баганага ышанмаган кеше диннән чыга һәм кәфер була, хәтта ул үзен мөселманга санаса да.
Шуңа күрә сүзләребезне уйлап сөйлик. Иман шул вакытта гына дөрес була, әгәр без шушы 6 нигезенең һәрберсенә, шушы нигезләрдә булган һәр өлешенә тулаем, берсен дә кире какмыйча ышансак кына.
Следующая публикация
Нет комментариев